Gujarati News

Gujarati News

News of Friday, 30th October 2020

ગુજરાતમાં બેવડી ઋતુ

સવારે-ઠંડી તો બપોરે ગરમી પડતા તાવ- શરદી ખાંસીના કેસ સતત વધી રહ્યો છે

અમદાવાદ,તા.૩૦ : શિયાળાએ ગુજરાતમાં દસ્તક દીધી છે અને સવારે ઠંડીનો અનુભવ થવા લાગ્યો છે. જો કે, બપોરે પારો ૩૬ ડિગ્રીની આસપાસ રહેતા ગરમી પણ અનુભવાઈ રહી છે. ડબલ ઋતુના કારણે શરદી, ઉધરસ, વાયરલ ફિવરના કેસોમાં વધારો જોવા મળી રહ્યો છે. અમદાવાદમાં સિઝનમાં પહેલીવાર તાપમાનનો પારો ૧૮.૪ ડિગ્રી સુધી ગગડી જતાં પરોઢિયે ફૂલગુલાબી ઠંડીનો અનુભવ થયો હતો. જયારે ૧૫.૫ ડિગ્રી તાપમાન સાથે વલસાડ રાજયનું સૌથી ઠંડું શહેર બન્યું હતું.

હાલમાં જે રીતે કોરોના વાયરસનું સંક્રમણ વધી રહ્યું છે તે આરોગ્ય વિભાગ માટે ચિંતાનું કારણ બન્યું છે. શિયાળો આવતાં તેમની ચિંતા વધે તેવું લાગી રહ્યું છે કારણકે હાલ સવારે ઠંડીનો અનુભવ થાય છે અને બપોરે ગરમી લાગે છે. ડબલ ઋતુના ચક્કરમાં લોકો અયવાયા છે.

છેલ્લા કેટલાક દિવસોથી શરદી, તાવ અને ઉધરસની તકલીફવાળા દર્દીઓમાં નોંધપાત્ર વધારો થયો છે. ડબલ ઋતુનો અનુભવ થઈ રહ્યો છે ત્યારે વહેલી સવારે લોકોએ કુલર અને એસીનો ઉપયોગ ટાળવો જોઈએ. સાથે જ સવાર-સાંજ ગરમ પાણીના કોગળા કરવા જોઈએ. જો સામાન્ય શરદી, ઉધરસ કે તાવ હોય તો હળવાશમાં ના લેવો જોઈએ. શરદી-ઉધરસ સામાન્ય છે તેવો જાતે નિર્ણય લીધા કરતાં ડોકટરનો સંપર્ક કરવો સલાહનીય છે.

ઉલ્લેખનીય છે કે, છેલ્લા કેટલાક દિવસોથી રાજયના વિવિધ શહેરના લદ્યુત્ત્।મ તાપમાનમાં ઘટાડો નોંધાઈ રહ્યો છે. આજે પણ રાજયના વિવિધ શહેરોના તાપમાન ૨૦ ડિગ્રીની આસપાસ રહેતા વહેલી સવારે ઠંડકનો અહેસાસ થયો હતો.

(10:02 am IST)
  • મુંબઈના ભીંડી બજાર વિસ્તારમાં કેટલાક દેશવિરોધી તત્વોએ ફ્રાન્સના રાષ્ટ્રપતિ મેક્રોની તસવીરો રોડ ઉપર લગાડી છે. સેંકડો લોકો તેના ઉપરથી પસાર થઇ રહ્યા છે. આવા તત્વોની તાત્કાલિક ધરપકડ કરવા સોશિયલ મીડિયા ઉપર માગણી થઈ રહી છે. જાણીતા પત્રકાર શીલા ભટ્ટે ટ્વિટર હેન્ડલ ઉપર આ વીડિયો પણ મૂકી છે. access_time 2:38 pm IST

  • દેશમાં કોરોનાના એક્ટીવ કેસનો આંકડો 6 લાખની અંદર સરક્યો : નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,692 કેસ નોંધાયા:કુલ કેસનો આંકડો 80, 87,976 થયો :એક્ટીવ કેસ ઘટીને 5,93,698 થયા:વધુ 57,709 દર્દીઓ સ્વસ્થ થતા કુલ 73, 71,748 રિકવર થયા :વધુ 561 લોકોના મોત સાથે કુલ મૃત્યુઆંક 1,21,130 થયો access_time 1:05 am IST

  • ' તારક મહેતાકા ઉલ્ટા ચશ્મા ' ટોપ 5 ની રેસમાંથી બહાર :' સાથ નિભાના સાથિયા 2 ' ની ધમાકેદાર એન્ટ્રી : પ્રીમિયર એપિસોડથી જ ટોપ 5 માં સ્થાન મેળવી લીધું : ' છોટી સરદારની ' પણ ટોપ 5 માંથી બહાર : ' ગૂમ હૈ કિસીકે પ્યારમેં ' ની ટોપ 5 માં એન્ટ્રી : 17 થી 23 ઓક્ટોબર સુધીની છેલ્લી ટીઆરપી access_time 6:15 pm IST