Gujarati News

Gujarati News

News of Friday, 30th October 2020

વડાપ્રધાનની સુરક્ષાને લઇ નદીમાં પેટ્રોલિંગ માટે કંડલાથી મરીન બોટ અમદાવાદ લવાઈ

રિવરફ્રન્ટની કિલ્લેબંધી કરાઈ: સાબરમતી નદીમાં કોસ્ટલ પોલીસની બોટથી પેટ્રોલીંગ કરાશે :વોટર એરોડ્રોમની પણ સુરક્ષા વધારાઈ

અમદાવાદ : વડાપ્રધાન નરેન્દ્રભાઈ મોદીના સાબરમતી રિવરફ્રન્ટ ખાતે સી-પ્લેનના કાર્યક્રમને લઈ તડામાર તૈયારીઓ થઇ રહી છે. પોલીસ દ્વારા સુરક્ષા વ્યવસ્થા પણ ચુસ્ત કરવામાં આવી રહી છે. સાબરમતી નદીમાં પોલીસ દ્વારા પેટ્રોલિંગ કરવા માટે દરિયામાં પેટ્રોલિંગ માટે વપરાતી બોટ કંડલાથી અમદાવાદ લાવવામાં આવી છે. સાબરમતી નદીમાં કોસ્ટલ પોલીસની બોટથી પેટ્રોલીંગ કરવામાં આવશે.

વડાપ્રધાન મોદીના કાર્યક્રમને લઈ સાબરમતી નદીમાં ચુસ્ત પોલીસ બંદોબસ્ત ગોઠવવામાં આવશે. નદીમાં રેસ્કયૂ બોટમાં તેમજ કોસ્ટલ પોલીસની બોટમાં સતત પેટ્રોલિંગ કરવામાં આવશે. સાથે-સાથે અમદાવાદ ફાયર બ્રિગેડના જવાનો પણ સતત નદીમાં પેટ્રોલિંગ કરશે.

સાબરમતી રિવરફ્રન્ટ ખાતે સી પ્લેનના સંચાલન માટે તૈયાર કરવામાં આવેલા વોટર એરોડ્રોમની પણ સુરક્ષા વધારાઈ છે. રિવરફ્રન્ટ અને વોટર એરોડ્રોમ ખાતે SRPના જવાનો તૈનાત કરવામાં આવ્યા છે. આ ઉપરાંત SPG ના જવાનો દ્વારા પણ સમયાંતરે ચેકીંગ કરવામાં આવી રહ્યુ છે

(12:58 am IST)
  • આતંકવાદ સામેની લડાઈમાં ભારત ફ્રાન્સની સાથે છે : ફ્રાન્સના ચર્ચ ઉપર થયેલા આતંકી હુમલા બાબતે વડાપ્રધાન શ્રી મોદીનો સ્પષ્ટ અભિપ્રાય : ચાકુથી કરાયેલા હુમલાથી માર્યા ગયેલા 3 લોકો પૈકી એક મહિલાનું માથું ધડથી અલગ કરી દેવાયું હતું : ફ્રાન્સમાં છેલ્લા 2 મહિનામાં સતત ત્રીજા હુમલાથી સમગ્ર વિશ્વમાં પ્રકોપ access_time 8:53 pm IST

  • દેશમાં કોરોનાના એક્ટીવ કેસનો આંકડો 6 લાખની અંદર સરક્યો : નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,692 કેસ નોંધાયા:કુલ કેસનો આંકડો 80, 87,976 થયો :એક્ટીવ કેસ ઘટીને 5,93,698 થયા:વધુ 57,709 દર્દીઓ સ્વસ્થ થતા કુલ 73, 71,748 રિકવર થયા :વધુ 561 લોકોના મોત સાથે કુલ મૃત્યુઆંક 1,21,130 થયો access_time 1:05 am IST

  • ' તારક મહેતાકા ઉલ્ટા ચશ્મા ' ટોપ 5 ની રેસમાંથી બહાર :' સાથ નિભાના સાથિયા 2 ' ની ધમાકેદાર એન્ટ્રી : પ્રીમિયર એપિસોડથી જ ટોપ 5 માં સ્થાન મેળવી લીધું : ' છોટી સરદારની ' પણ ટોપ 5 માંથી બહાર : ' ગૂમ હૈ કિસીકે પ્યારમેં ' ની ટોપ 5 માં એન્ટ્રી : 17 થી 23 ઓક્ટોબર સુધીની છેલ્લી ટીઆરપી access_time 6:15 pm IST