Gujarati News

Gujarati News

News of Friday, 30th October 2020

નાંદોદના રૂંઢ ગામમાં રસ્તા બાબતે માથાકૂટ થતા દાંતરડું, કુહાડી વડે હુમલો કરી મારી નાંખવાની ધમકી આપતા 3 વિરુદ્ધ ફરિયાદ

(ભરત શાહ દ્વારા) રાજપીપળા : નર્મદા જિલ્લાના નાંદોદ તાલુકાના રૂંઢ ગામના સુખદેવ ફળીયામાં ઉભેલા ફરિયાદી વિરલકુમાર નરેન્દ્રભાઇ પટેલ પોતાની માલિકીના ખેતર પાસે રોડના કોન્ટ્રાકટર તથા સુપરવાઈઝર સાથે વાતચીત કરતા હતા તે વખતે ગામના ગોવિંદભાઇ વસાવા ,સંજયભાઇ વસાવા અને હરીઓમભાઇ વસાવા કહેવા લાગેલ કે તમોને રસ્તો નીચો કરવા દેવાના નથી તેમ કહી ઉશ્કેરાઈ જઈને ઝઘડો કરવા લાગેલ સંજયભાઇ વસાવાનાઓ ગાળો બોલી આવી દાંતરડું મારતા વિરલકુમારને આંખ પાસે વાગી જતા ઇજા થઈ તથા સાહેદ નરેન્દ્રભાઈ છોડવા વચ્ચે પડતા તેને પણ ગોવિંદભાઇ વસાવાએ કુહાડી મારતા તેની ધાર દાઢી પાસે વાગી ગયેલ અને હરિઓમભાઇ વસાવા પણ ગાળો બોલી ફરી તથા સાહેદને ટીક્કા પાટુનો માર મારી ઇજાઓ કરી જાન મારી નાખવાની ધમકીઓ આપી હોય રાજપીપળા પોલીસે ત્રણેય વિરુદ્ધ ગુનો નોંધી તપાસ હાથ ધરી છે.

(10:38 pm IST)
  • દેશમાં કોરોનાના એક્ટીવ કેસનો આંકડો 6 લાખની અંદર સરક્યો : નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,692 કેસ નોંધાયા:કુલ કેસનો આંકડો 80, 87,976 થયો :એક્ટીવ કેસ ઘટીને 5,93,698 થયા:વધુ 57,709 દર્દીઓ સ્વસ્થ થતા કુલ 73, 71,748 રિકવર થયા :વધુ 561 લોકોના મોત સાથે કુલ મૃત્યુઆંક 1,21,130 થયો access_time 1:05 am IST

  • આતંકવાદ સામેની લડાઈમાં ભારત ફ્રાન્સની સાથે છે : ફ્રાન્સના ચર્ચ ઉપર થયેલા આતંકી હુમલા બાબતે વડાપ્રધાન શ્રી મોદીનો સ્પષ્ટ અભિપ્રાય : ચાકુથી કરાયેલા હુમલાથી માર્યા ગયેલા 3 લોકો પૈકી એક મહિલાનું માથું ધડથી અલગ કરી દેવાયું હતું : ફ્રાન્સમાં છેલ્લા 2 મહિનામાં સતત ત્રીજા હુમલાથી સમગ્ર વિશ્વમાં પ્રકોપ access_time 8:53 pm IST

  • મુંબઈના ભીંડી બજાર વિસ્તારમાં કેટલાક દેશવિરોધી તત્વોએ ફ્રાન્સના રાષ્ટ્રપતિ મેક્રોની તસવીરો રોડ ઉપર લગાડી છે. સેંકડો લોકો તેના ઉપરથી પસાર થઇ રહ્યા છે. આવા તત્વોની તાત્કાલિક ધરપકડ કરવા સોશિયલ મીડિયા ઉપર માગણી થઈ રહી છે. જાણીતા પત્રકાર શીલા ભટ્ટે ટ્વિટર હેન્ડલ ઉપર આ વીડિયો પણ મૂકી છે. access_time 2:38 pm IST