Gujarati News

સુરત: શહેરના વરાછાના બોમ્બે માર્કેટ રોડની છીતુ નગર સોસાયટીમાં ત્રાટકેલા તસ્કરો મહિલા ડૉક્ટર સહિત બે ઘરને નિશાન બનાવી ૭૬ હજારની મત્તા ચોરીને ભાગી ગયા હતા.

વરાછાના બોમ્બે માર્કેટ રોડ સ્થિત રણુજાધામ સોસાયટીની બાજુમાં આવેલી છીતુ નગર સોસાયટીમાં રહેતા ડૉ.રીયા અશોક કાચા (ઉ.વ. 23 મૂળ વંથલી, જુનાગઢ)ના પિતા અને માતા હર્ષાબેન તથા ભાઇ અર્જુન હાલ વતન ગયેલા છે. જેથી ડૉ.રીયા હાલ સરથાણા યોગી ચોક સ્થિત મંગલમ રેસીડન્સીમાં માસીને ત્યાં રહે છે. શનિવારે રીયા ફરજ પર હતી ત્યારે પડોશીઓ થકી જાણવા મળ્યું કે, તેમના ઘરના તાળા તુટેલા છે.