Gujarati News

Gujarati News

News of Tuesday, 30th June 2020

પાટણ જિલ્લાના સમી હાઇવે પર શોપિંગ સેન્ટરની બહાર ઉભેલ ટેન્કરમાંથી ઓઇલ કાઢી બરોબર વેચવાનું કૌભાંડ પોલીસે બાતમીના આધારે ઝડપી પાડ્યું

પાટણ:જિલ્લાના સમી હાઇવે પર આવેલ એક  હોટલ પાછળના શોપીંગ સેન્ટર આગળ ઉભેલા ટેન્કરમાંથી ઓઇલ કાઢી બારોબાર વેચવામાં આવતું હોવાની બાતમી પોલીસને મળતા પોલીસે રેડ કરી હતી. જેમાં ટેન્કરમાંથી ઓઇલ કરી વેચવાના કૌભાંડનો પ્રદાફાસ થયો હતો. પોલીસે કૌભાંડમાં સંડોવાયેલ ત્રણ ઇસમોને સ્થળ ઉપરથી પકડી કાયદેસરની કાર્યવાહી હાથધરી હતી. 

સમી ગુજરવાડા ચારરસ્તા નજીક આવેલ કાઠિયાવાડી, હોટલની પાછળ આવેલ શોપીંગ સેન્ટરની એક દુકાન આગળ ઉભેલા ટેન્કરમાંથી ઓઇલ ચોરી કરવામાં આવતી હોવાની બાતમી સમી પોલીસને મળતા પોલીસે બાતમી આધારીત જગ્યાએ રેડ કરી હતી. જેમાં ટેન્કરના વાલ્વને ઉપરથી તરફ દબાવીને એક ઇસમ ઉભો હતો અને વાલ્વની પાસે આવેલ કોકમાંથી ઓઇલ નાળચા દ્વારા કેરબામાં ભરવામાં આવતું હતું. જ્યારે એક ઇસમ ટેન્કરના આગળના ભાગે રેકી કરતો હતો. પોલીસે સ્થળપર ત્રણે ઇસમોને પકડીને પુછતાછ હાથધરી હતી જેમાં રમેશજી પથુજી રાજપુત રહે.શીંહી તા.ઉંઝા વાળાએ સમી ખાતે શોપીંગ સેન્ટરમાં દુકાન ભાડે રાખી હતી. અને ટ્રાન્સપોર્ટર અને ઓઇલ કંપનીના જાણ બહાર ટેન્કર ચાલક સાથે મળીને ગેરકાયદેસર ઓઇલ કાઢવામાં આવતુ હોવાનું પોલીસને જાણવા મળ્યું હતું. પોલીસે ટેન્કર ચાલક ઇલીયાસ હુસેન રાયમાં રહે.ન્યુ સુંદરપુરી ગાંધીકામ તથા અલ્પેશજી વીરમજી ઠાકોર રહે. ઉપેરા ચતુરપુરાતા. ઉંઝા તેમજ લક્ષ્મણજી ઉદાજી ઠાકોર રહે.ઉપેરા ચતુરપુરા તા.ઉંઝા વાળાને સ્થળ પરથી પોલીસે ઝડપી પાડયા હતા. જ્યારે કેસ્ટર ઓઇલ ભરેલ ટેન્કર અને આરોપીના મોબાઇલ સહિત રૃપિયા ૩૦,૩૪,૫૧૦નો મુદ્દામાલ કબજે કરી પોલીસે ચાંર ઇસમો વિરૃધ્ધ કાયદેસર કાર્યવાહી હાથધરી હતી. 

(5:39 pm IST)
  • રાજકોટની કુલ ૧૪૯ સૂચિત સોસાયટીમાંથી ૫૩૩૭ દાવા મંજુરઃ હજુ ૭૩૯ના મંજુરીના હુકમો બાકી : રાજકોટના પૂર્વ-પશ્ચિમ-દક્ષિણ અને તાલુકા મામલતદાર ક્ષેત્રમાં આવેલી કુલ ૧૪૯ સૂચિત સોસાયટીના બાંધકામો અંગે ૬૦૭૬ દાવા અરજી આવી હતીઃ જેમાંથી ૫૯૨૮ બાંધકામો રેગ્યુલાઈઝ કરવા અંગે સુનાવણી હાથ ધરાઈઃ તેમાં ૫૩૩૭ દાવા કલેકટર તંત્રે મંજુર કરી દીધાઃ હજુ ૭૩૯ દાવા અંગેના મંજુરી હુકમો બાકીઃ સૌથી વધુ રાજકોટ પૂર્વ ક્ષેત્રના ૩૬૧ હુકમો બાકીઃ દક્ષિણમાં ૨૫૩ અને તાલુકામાં ૧૧૬ દાવા અંગે હવે નિર્ણયઃ કલેકટરે તાજેતરમાં બોલાવેલ મીટીંગમાં આખરી સમીક્ષા કરાઈઃ ૧૫ દિ'માં પુરૂ કરવા આદેશો access_time 3:04 pm IST

  • પ્રાંતિજમાં કોરોનના વધુ ચાર કેસ પોઝિટિવ નોંધાયા:હોરવાર ૭૮ વર્ષીય વૃદ્ધા, દેસાઈની પોળ ૪૫ વર્ષીય મહિલા,શેક મોહલ્લામાં ૭૧ વર્ષીય વૃદ્ધા અને પ્રાંતિજ તાલુકાના સોનાસણ ૨૪ વર્ષીય પુરુષને કોરોના વળગ્યો access_time 9:54 pm IST

  • બિહારમાં નદીઓ ગાંડી તૂર : ભય સપાટીથી ઉપર વહી રહી છેઃ ઉત્તરના મોટાભાગના જિલ્લામાં પૂરની સ્થિતિઃ કોસી નદીની પાણી બ્રીજની લગોલગઃ ૨ જુલાઈ સુધી ભારે વરસાદ ચાલુ રહેવાની ચેતવણીઃ કોસી- બાગમતી- કમલા બલાન અને મહેનંદા ભય સપાટીથી ઉપર ગાંડીતૂર બની વહી રહી છેઃ મુઝફરપુર, કટીહાર, પુર્નીઆ, મધુબની- સતામઢીમાં ઝાંઝપુરમાં અનેક વિસ્તારો પાણીમાં ડૂબ્યાઃ ગંગા નદીની સપાટી વધી રહી છેઃ એનડીઆરએફ અને એસડીઆરએફની ૨૭ ટીમો કામે લાગી access_time 3:49 pm IST