Gujarati News

Gujarati News

News of Tuesday, 30th June 2020

વડોદરાના વાઘોડિયા રોડ પર દારૂની ડિલિવરી સમયે પોલીસ ત્રાટકી જતા બે આરોપી ઝડપાયા

વડોદરા:કારમાં દારૃ લાવીને એકટીવા ચાલકને આપવામાં આવતો હતો તે સમયે જ પોલીસે રેડ પાડીને બંન્ને આરોપીને ઝડપી પાડી કોરોનાના ટેસ્ટ માટે હોસ્પિટલમાં મોકલી આપ્યા છે. 

વાઘોડિયા રોડ ડીમાર્ટ પાસે દારૃની ડિલીવરી થવાની છે  તેવી બાતમીના આધારે પાણીગેટ પોલીસે ઉપરોક્ત સ્થળે વોચ ગોઠવી હતી. દરમિયાન એક ઇકો કાર આવી હતી તેમાંથી વિદેશી દારૃનો જથ્થો ઉતારીને એકટીવા ચાલકને કારચાલકે આપ્યો હતો. તે સમયે જ પોલીસે ત્રાટકીને (૧) જયેશ સેજુમલ રજ્જાઇ (પંજાબી) (રહે. ખોડિયારનગર પાસે શિવમ નગર) અને (૨) કમલેશ હસમુખભાઇ રાણા (રહે. સાંઇવિહાર સોસાયટી પૂનમ કોમ્પલેક્ષ પાસે વાઘોડિયા રોડ)ને ઝડપી લીધા  હતા. પોલીસે દારૃની ૨૪ બોટલ, કાર અને એકટીવા મળીને કુલ રૃપિયા ૧.૩૧ લાખનો મુદ્દામાલ જપ્ત કર્યો છે.  જ્યારે બૂટલેગર સંજુ દિલ્લીને વોન્ટેડ જાહેર કરવામાં આવ્યો છે.  સંજુ દિલ્લીએ જ દારૃ આપ્યો હોવાનું તપાસમાં બહાર આવ્યું છે. 

(5:28 pm IST)
  • ભારતમાં કોરોનાનો કહેર યથાવત : છેલ્લા 24 કલાકમાં 18,256 નવા કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 5,85,792 કેસ: 2,20,480 એક્ટિવ કેસ :કુલ 3,47,836 દર્દીઓ રિકવર થયા :વધુ 506 લોકોના મોત સાથે કુલ મૃત્યુઆંક 17,410 થયો :મહારાષ્ટ્રમાં સૌથી વધુ નવા 4878 કેસ સાથે કુલ કેસની સંખ્યા 1,74,761 થઇ: તામિલનાડુમાં નવા 3943 કેસ :દિલ્હીમાં વધુ 2199 કેસ નોંધાયા: કર્ણાટકમાં 947 નવા કેસ : તેલંગાણામાં નવા 945 કેસ :આંધ્ર પ્રદેશમાં વધુ 704 કેસ નોંધાયા access_time 12:59 am IST

  • મોટી કંપનીનું વિમાન રન-વેથી સ્લીપ થઇ ગયું ? : દેશના મોટા કોર્પોરેટ હાઉસનું ખાનગી વિમાન પરમ દિવસે હૈદ્રાબાદ એરપોર્ટ ઉપર રન-વેની બહાર ચાલ્યુ ગયાના અહેવાલો મળે છે. પાંખો અને લેન્ડીંગ ગીયર ડેમેજ થયાનું ન્યુઝ ફર્સ્ટ નોંધે છે. જો કે વિમાનમાં બેઠેલાઓ અને મુસાફરો સલામત છે. વિગતો મેળવાઇ રહી છે. access_time 3:51 pm IST

  • આઈસીસીની એલીટ પેનલમાં સમાવેશ થનાર ભારતના યંગેસ્ટ અમ્પાયર નીતિન મેનન : ૩૬ વર્ષના નીતિન મેનનને ત્રણ ટેસ્ટ, ૨૪ વન-ડે અને ૧૬ ટી૨૦નો અનુભવ છે access_time 3:04 pm IST