Gujarati News

Gujarati News

News of Tuesday, 30th June 2020

અમદાવાદમાં કાળાડિબાંગ વાદળોની જમાવટ બાદ અનેક વિસ્તારોમાં વરસાદ

લાંબા સમય બાદ પડેલા વરસાદથી અમદાવદીઓમાં ખુશીનો માહોલ : ઉકળાટ અને બફારાથી લોકોને રાહત

અમદાવાદ : વહેલી સવારથી સમગ્ર અમદાવાદ પર જાણે કાળા વાદળોનું સામ્રાજ્ય છવાઇ ગયુ છે. અંધારપટ્ટ વચ્ચે શહેરનાં વિવિધ વિસ્તારોમાં વરસાદ આવ્યો છે. શહેરનાં શિવરંજની વિસ્તારમાં પડેલા વરસાદથી લોકો ખુશખુશાલ જોવા મળી રહ્યા છે. લાંબા સમય બાદ પડેલા વરસાદથી અમદાવદીઓમાં ખુશીનો માહોલ છવાયો છે. જો કે આ વરસાદથી લોકોને બફારામાંથી રાહત મળી છે.

  વહેલી સવારથી અમદાવાદમાં વરસાદી માહોલ છવાયેલો હતો. અમદાવાદ શહેરનાં હવામાનમાં અચનાક પલ્ટો આવતા ઘણા વિસ્તારોમાં વરસાદ શરૂ થઇ ગયો હતો. વાદળ છાયા વાતાવારણમાં પવન ફૂંકાવાની શરૂઆત થઈ છે. શહેરનાં એસજી હાઈવે પર વરસાદ વરસ્યો છે. જો કે સવારનાં ઓફીસ જવાનાં સમયે વરસાદ પડતા લોકોને હાલાકી પડી હતી. છેલ્લા ઘણા દિવસોથી શહેરીજનો ભારે ઉકળાટનો સામનો કરી રહ્યા હતા. જેમા આ વરસાદ બાદ મહદ અંશે રાહત મળી હતી.

(12:49 pm IST)
  • " હર ઘર જલ " : ઉત્તર પ્રદેશના બુંદેલખંડમાં પાણીની તંગી હવે ભૂતકાળ બની જશે : મુખ્યમંત્રી યોગીએ દરેક ઘરમાં નળ દ્વારા પીવાનું પાણી મળી રહે તે માટે ' જલ જીવન યોજનાનો શુભારંભ કર્યો : 2185 કરોડ રૂપિયાના ખર્ચે પાઇપ લાઈન નાખવાની કામગીરી શરૂ કરાવી access_time 8:24 pm IST

  • એક નવો ચીની ખતરો : ચીનના વૈજ્ઞાનિકોએ ફ્લૂના જેવો જ એક નવો વાયરસ શોધ્યો છે જે કોરોના વાયરસની જેમ મહામારીનું રૂપ ધારણ કરી શકે છે. આ વાયરસ G4 EA H1N1ના નામથી ઓળખાય છે. આ ફ્લૂનો વાયરસ ભૂંડમાંથી મળ્યો છે. વૈજ્ઞાનિકોનું માનવું છે કે તે માણસોને પણ સંક્રમિત કરી શકે છે. શોધકર્તાઓને ડર છે કે આ નવો વાયરસ અને વધારે મ્યૂટેટ થઈને સરળતાથી એક વ્યક્તિથી અન્ય વ્યક્તિમાં ફેલાઈ શકે છે. access_time 9:03 am IST

  • આઈસીસીની એલીટ પેનલમાં સમાવેશ થનાર ભારતના યંગેસ્ટ અમ્પાયર નીતિન મેનન : ૩૬ વર્ષના નીતિન મેનનને ત્રણ ટેસ્ટ, ૨૪ વન-ડે અને ૧૬ ટી૨૦નો અનુભવ છે access_time 3:04 pm IST