Gujarati News

Gujarati News

News of Tuesday, 30th June 2020

રતનપોળમાં રોજની એક-બે દુકાનોને તાળાં લાગી રહ્યા છે

કોરોનાના કાળમાં વેપારીઓના હાલ-બેહાલ : લોકડાઉનમાં સદંતર ધંધા બંધ, અનલોકમાં પણ મંદીના ઝોકને કારણે ભાડેથી દુકાનો ચલાવનારાની મુશ્કેલી વધી

અમદાવાદ, તા. ૨૯ : આખા ગુજરાતમાં કાપડ બજારની કોઈપણ ફેશનની શરૂઆત  જ્યાંથી થતી હોવાનું કહેવાય છે તે સ્થળ  એટલે રતનપોળ. લગ્નસરામાં ખરીદી કરવા માટે ગુજરાતના ખૂણે ખૂણેથી લોકો રતનપોળમાં જ આવે. આ રતનપોળને જાણે કે કોરોનાનું ગ્રહણ લાગી ગયું હોય તેમ રોજેરોજ એક પછી એક દુકાન બંધ થઈ રહી છે. અનલોકની શરૂઆત થઈ ત્યારથી જ રતનપોળમાં રોજની એક દુકાન બંધ થઈ રહી છે. ભાડેથી દુકાન રાખી ધંધો કરતા વેપારીઓની સ્થિતિ દયનીય બની જતાં તેમણે દુકાન બંધ કરવી પડે છે. ત્રણ મહિનાથી કોઈ ધંધો નથી અને આગામી ઘણા દિવસો સુધી ગ્રાહકો આવવાના નથી તેને કારણે વેપારીઓની ધીરજ ખૂટી પડી છે. કોરોનાની મહામારીને લઈને ભારત સહિત ઘણા બધા દેશની ઈકોનોમી ડામાડોળ થઈ ગઈ છે.

                 લગભગ ૭૦ દિવસ સુધી રહેલા લોક ડાઉનમાં તમામ વેપાર ધંધા ઉદ્યોગો બંધ રહ્યા. હજુ પણ બજારમાં જાણે કે ખરીદી થતી જ ન હોય તેવી સ્થિતિ છે. આ પરિસ્થિતિમાં રતનપોળમાં ભાડાની દુકાનમાં ધંધો કરતાં વેપારીઓ મુશ્કેલીમાં મુકાઇ ગયા છે. વેપારીઓની ફરિયાદ છે કે ત્રણ મહિના દુકાનો બંધ રહી પરંતુ તેનું ભાડું તો ચૂકવવું જ પડ્યું. કર્મચારીઓને પગાર પણ ચૂકવવો જ પડ્યો ટેક્સ અને અન્ય ખર્ચ આ ચાલુ રહ્યા. જ્યારે આવકના નામે હજુ મીંડુ જ છે. દુકાન માલિકને ભાડામાં કોઈ રાહત કરી આપવા કે દિવાળી સુધી ક્રેડિટ આપવાની રજૂઆત કરીએ તો તેઓ નકારી રહ્યા છે. જોકે તેમની પણ આવક આ ભાડું હોવાથી તેમને ક્રેડિટ રાખવાની કોઈ જગ્યા નથી. આના લીધે જ અનલોક શરૂ થયું અને બજારો ખુલ્યા ત્યારથી રતનપોળમાં રોજની એક દુકાન બંધ થઈ રહી છે. આ મહિનામાં ૨૫થી વધુ દુકાનો રતનપોળમાં બંધ થઈ ગઈ છે. જેને કારણે અન્ય વેપારીઓ પણ ચિંતામાં મુકાયા છે. બીજી તરફ જે ભાડાની દુકાન ખાલી કરી વેપારીઓ જઈ રહ્યા છે કે દુકાનમાં નવા ભાડુઆત અત્યારે મળતા નથી જેને કારણે દુકાન માલિકો પણ મુશ્કેલીમાં મુકાઇ ગયા છે. રતનપોળના વેપારીઓ કહી રહ્યા છે કે લગ્નસરામાં જ્યારે આખા વર્ષનો ધંધો થઈ જતો હોય છે એ લગ્નસરો જ આ વખતે શરૂ થયો નહીં તેને કારણે તમામ વેપારીઓને મોટું નુકસાન થયું છે. ફેબ્રુઆરી-માર્ચમાં વેપારીઓએ લગ્નસરા માટે મોટો સ્ટોક કરી દીધો હતો. જે પણ દુકાનો લાંબો સમય બંધ રહેતા ઘણો માલ બગડી જવાથી વેપારીઓને નુકસાન થયું છે.

(10:00 pm IST)
  • બિહારમાં નદીઓ ગાંડી તૂર : ભય સપાટીથી ઉપર વહી રહી છેઃ ઉત્તરના મોટાભાગના જિલ્લામાં પૂરની સ્થિતિઃ કોસી નદીની પાણી બ્રીજની લગોલગઃ ૨ જુલાઈ સુધી ભારે વરસાદ ચાલુ રહેવાની ચેતવણીઃ કોસી- બાગમતી- કમલા બલાન અને મહેનંદા ભય સપાટીથી ઉપર ગાંડીતૂર બની વહી રહી છેઃ મુઝફરપુર, કટીહાર, પુર્નીઆ, મધુબની- સતામઢીમાં ઝાંઝપુરમાં અનેક વિસ્તારો પાણીમાં ડૂબ્યાઃ ગંગા નદીની સપાટી વધી રહી છેઃ એનડીઆરએફ અને એસડીઆરએફની ૨૭ ટીમો કામે લાગી access_time 3:49 pm IST

  • વસવાટ હોય તેવી સુપર-પૃથ્વીની શોધ : ૧૧ અબજ પ્રકાશ વર્ષ દુર આવેલ ''સુપર-પૃથ્વીઓ''ની વૈજ્ઞાનિકોએ શોધ કરી છે, જયાં વસવાટ હોવાની શકયતા access_time 3:53 pm IST

  • રાજકોટની કુલ ૧૪૯ સૂચિત સોસાયટીમાંથી ૫૩૩૭ દાવા મંજુરઃ હજુ ૭૩૯ના મંજુરીના હુકમો બાકી : રાજકોટના પૂર્વ-પશ્ચિમ-દક્ષિણ અને તાલુકા મામલતદાર ક્ષેત્રમાં આવેલી કુલ ૧૪૯ સૂચિત સોસાયટીના બાંધકામો અંગે ૬૦૭૬ દાવા અરજી આવી હતીઃ જેમાંથી ૫૯૨૮ બાંધકામો રેગ્યુલાઈઝ કરવા અંગે સુનાવણી હાથ ધરાઈઃ તેમાં ૫૩૩૭ દાવા કલેકટર તંત્રે મંજુર કરી દીધાઃ હજુ ૭૩૯ દાવા અંગેના મંજુરી હુકમો બાકીઃ સૌથી વધુ રાજકોટ પૂર્વ ક્ષેત્રના ૩૬૧ હુકમો બાકીઃ દક્ષિણમાં ૨૫૩ અને તાલુકામાં ૧૧૬ દાવા અંગે હવે નિર્ણયઃ કલેકટરે તાજેતરમાં બોલાવેલ મીટીંગમાં આખરી સમીક્ષા કરાઈઃ ૧૫ દિ'માં પુરૂ કરવા આદેશો access_time 3:04 pm IST