Gujarati News

Gujarati News

News of Friday, 29th May 2020

છાપેલી કિંમતથી વધુ ભાવો લેનારી સુરતની નવ પાન મસાલાની દુકાનને 18 હજારનો દંડ

છાપેલ કિંમત કરતા સરેરાશ રૂપિયા 10 થી લઈ 90 સુધીનો વધુ ભાવ લેતા હતા

 

સુરત શહેરના પાન મસાલા, બીડી, સિગારેટ તથા તમાકુ વગેરેની દુકાનોને તાજેતરમાં ચાલુ કરવાની પરમિશન મળતા વધુ નફો લેવાની લ્હાયમાં કેટલાક દુકાનદારો દ્વારા નફાખોરી કરતા હોવાનું માલુમ પડતા મદદનિશ નિયંત્રક, કાનુની માપ વિજ્ઞાન અને ગ્રાહક સુરક્ષા અધિકારીની કચેરી દ્વારા વધુ ભાવો લેતા દુકાનદારો વિરૂધ્ધ દંડનીય કાર્યવાહી કરવામાં આવી છે.

વધુ વિગતો આપતા સુરત/તાપી મદદનીશ નિયંત્રક કાનુની માપ વિજ્ઞાન અને ગ્રાહક સુરક્ષા અધિકારી બી.આર.વિશાણાએ જણાવ્યું હતું કે, કચેરીના સીનીયર/જુનીયર નિરીક્ષીકો દ્વારા શહેરના એલ.એચ.રોડ, વરાછા રોડ, પાંડેસરા, ઉન, ભેસ્તાન, રામનગર, મોરાભાગળ વગેરે અલગ અલગ વિસ્તારોમાં 53 પાન મસાલાના એકમોની ઓચિંતી તપાસણી હાથ ધરી મસાલાનું વેચાણ કરતા નવ વેપારી એકમો દ્વારા રજનીગંધા પાન મસાલા, તાનસેન પાન મસાલા, ગોલ્ડ ફલેક સિગારેટ, કલાસીક માઈલ્ડ સિગારેટ વગેરે પાન મસાલાના પેંકીગ ઉપર છાપેલ કિંમત કરતા સરેરાશ રૂપિયા 10 થી લઈ 90 સુધીનો વધુ ભાવ લેતા હોવાનું માલુમ પડતા ધી પેકેઝડ કોમીડીટી રૂલ્સ મુજબ પ્રોસીકયુશન કેસ કરી રૂા.18000નો દંડ સ્થળ ઉપર વસુલ કરવામાં આવ્યો હતો.

(12:04 am IST)
  • ગુજરાતમાં છેલ્લા 24 કલાકમાં કોરોનાના નવા કેસની સંખ્યા 412: અમદાવાદમાં 248 નવા કેસ: રાજ્યમાં 27 દર્દીનાં મોત : અમદાવાદમાં 24 દર્દીનાં મોત: અત્યાર સુધી રાજ્યમાં ૧૦૦૭નાં મોત: 621 દર્દીઓ સાજા થયા.: રાજ્યમાં કુલ કોરોના કેસનો આંકડો 16,356 એ પહોંચ્યો. access_time 7:46 pm IST

  • કર્ણાટકમાં કોરોના વાઇરસ કહેર વચ્ચે ભાજપમાં આંતરિક ખટપટ શરૂ : મુખ્યમંત્રી યેદુરપ્પાથી અસંતુષ્ટ જૂથે મિટિંગ બોલાવી : રાજ્યસભાની બેઠક અને મંત્રીમંડળમાં સ્થાન વિષે ચણભણાટ : સબ સલામત હોવાનું યેદુરપ્પાનું રટણ access_time 12:04 pm IST

  • સોમનાથ મંદિર ૧ જુનથી ખુલે તેવી શકયતા : ભાલકાતીર્થ સહિત ૪૦ મંદિરો ભકતો માટે ખુલશેઃ સોશ્યલ ડિસ્ટન્સ સહિતના નિર્દેશના પાલનની તૈયારીઃ માસ્ક ફરજીયાત પહેરવાનું રહેશેઃ ભકતો આરતીમાં ઉપસ્થિત નહિ રહી શકે access_time 3:42 pm IST