Gujarati News

Gujarati News

News of Wednesday, 30th May 2018

વડોદરામાં મંગેતરને મળવા આવેલ યુવતિનો મૃતદેહ મળ્યોઃ હત્યા કે આત્મહત્યા ?

વડોદરાઃ વડોદરાની આનંદવન સોસાયટીનાં એક મકાનમાંથી યુવતીનો મૃતદેહ મળી આવતા ચકચાર મચી ગઈ છે. આ યુવતી પંચમહાલના કંડાચ ગામની રહેવાસી છે. જે પોતાના મંગેતરને મળવા માટે વડોદરા આવી હતી. ત્યારે આજે તેનો મૃતદેહ મળી આવતા સમગ્ર વિસ્તારમાં ખળભળાટ મચી ગયો છે.

યુવતીની સગાઈ થોડા દિવસો પહેલા વડોદરાના યુવક સાથે થઈ હતી. જેથી યુવતી પોતાના મંગેતરને મળવા માટે વડોદરા આવી હતી. ત્યારે વડોદરાના આનંદવન સોસાયટીના મકાનમાંથી યુવતીનો મૃતદેહ મળી આવ્યો હતો. જો કે આ યુવતીની કોઈએ હત્યા કરી છે કે પછી આત્મહત્યા કરી છે. તે હજુ સુધી જાણવા મળ્યું નથી.

પરંતુ મૃતક યુવતીના મંગેતરે યુવતી પર પ્રેમ સંબંધ અને આડા સંબંધનો આરોપ લગાવ્યો છે. જેને લઈને યુવતીના મોતનું રહસ્ય ઘુંટાય રહ્યું છે.

જો કે હાલ તો પોલીસે સમગ્ર મામલે ગુનો નોંધીને આગળની તપાસ હાથ ધરી છે. આ સાથે જ પરિવારજનોનાં નિવેદન પણ લેવામાં આવી રહ્યાં છે.

(7:21 pm IST)
  • કૈરાના,ભંડાર-ગોંદિયા અને નાગાલેન્ડના 123 બુથો પર મતદાન :યુપીના કૈરાના અને મહારાષ્ટ્રના ભંડારા ગોંદિયા અને નાગાલેન્ડની એક લોકસભા સીટ પર આજે બુધવારે મતદાન ;આ બેઠક પર 28મીએ પેટ ચૂંટણી કરાવાય હતી પરંતુ ત્રણ સીટના કેટલાક બુથ પર મતદાન થશે access_time 1:19 am IST

  • ઉત્તર પ્રદેશની કૈરાનાના 73 અને ભંડારા-ગોંદિયાના 49 મતદાન કેન્દ્રો પર આજે ફરીથી થઈ રહ્યું છે મતદાન : સવારે 7 વાગ્યાથી મતદાન શરૂ થઈ ગયું, જે સાંજે 6 વાગ્યા સુધી ચાલશે : પેટાચૂંટણીમાં વીવીપેટ મશીનોમાં ખરાબી આવી હતી, જેના કારણે આ બેઠકો પર આજે ફરીથી મતદાન થઈ રહ્યું છે. access_time 2:38 pm IST

  • સુરત બીટકોઈન કૌભાંડ મામલો : શૈલેષ ભટ્ટના ભાણેજ, નિકુંજ ભટ્ટ પાસેથી CID ક્રાઇમે 55 લાખ ની કિંમતના વધુ 11 બીટકોઈન રિકવર કર્યા. અત્યાર સુધી સીઆઇડી ક્રાઇમે 160થી વધુ બિટકોઇન રિકવર કર્યા છે, જેની અંદાજી કુલ કિંમત રૂ. 9 કરોડ અંકાય છે. access_time 5:37 am IST