Gujarati News

અમદાવાદઃ કડી તાલુકાના વડુ ગામમાં અગાઉ થયેલા પ્રેમલગ્ન બાબતે બારોટ અને ઠાકોરોના જૂથ વચ્ચે અદાવત ચાલતી હતી. આ અદાવતના કારણે ગઇ મોડી રાત્રે બંને જૂથોએ આમને-સામને આવી જઇ એકાબીજા પર હુમલા કરી પથ્થરમારો કરી બે દુકાનોને આગ ચાંપતા ભારે અફરાતફરી મચી ગઇ હતી અને આખા ગામમાં ભયની લાગણી પ્રસરી ગઇ હતી.

આ બનાવમાં ગંભીર ઇજા પામેલી ચાર વ્યક્તિને સારવાર માટે ખસેડવામાં આવી છે. પોલીસે તાત્કાલીક પહોંચી જઇ ગામમાં કડક પોલીસ જાપ્તો ગોઠવી પેટ્રોલિંગ શરૂ કરી દીધું.