Gujarati News

Gujarati News

News of Wednesday, 30th May 2018

સાબરકાંઠા જિલ્લામાં અકસ્માતના બે બનાવમાં બે વ્યક્તિ મોતને ભેટ્યા

સાબરકાંઠા:જિલ્લાના પ્રાંતિજ તથા ગાંભોઈ પોલીસ મથકની હદમાંથી પસાર થતાં રાષ્ટ્રીય ધોરીમાર્ગ ઉપર વાહન અકસ્માતના બનેલા બે બનાવોમાં એક મહિલા સહિત બે વ્યક્તિના મોત નિપજ્યા હતા. જેમાં કારના ચાલકનો સમાવેશ થતો હતો. આ બન્ને બનાવોના અનુસંધાનમાં પ્રાંતિજ તથા ગાંભોઈ પોલીસે ઈ.પી.કો. કલમ ૩૦૪(એ) હેઠળ ગુનો દાખલ કરીને વધુ તપાસ હાથ ધરી છે. પ્રાંતિજ નગર ખાતેની સિવિલ હોસ્પિટલ નજીકથી  પસાર થતાં રાષ્ટ્રીય ધોરીમાર્ગ ઉપર જીવલેણ અકસ્માતનો બનાવ રવિવારની મોડીરાત્રીના સુમારે બન્યો હતો. જેમાં બેફામ ઝડપે પસાર થઈ રહ્લે કોઈ વાહનની જોરદાર ટક્કરથી પચાસેક વર્ષની આધેડ સ્ત્રીનું ગંભીર ઈજાઓ થવાથી ત્યાં જ મોત નિપજ્યું હતું. જીવલેણ અકસ્માતના આ બનાવ બાદ અજાણ્યો શખ્સ તેનું વાહન પુરઝડપે હંકારીને ફરાર થઈ ગયો હતો. જ્યારે આ બનાવ અંગે પ્રાંતિજ નગરના જોરાજી કાળાજી વણઝારાની ફરિયાદના આધારે પ્રાંતિજ પોલીસે નાસી છૂટેલા વાહનચાલકના વિરૃદ્ધ ગુનો દાખલ કરીને તેને ઝડપી લેવાની કાર્યવાહી શરૃ કરી હતી.

(6:16 pm IST)
  • સુરત બીટકોઈન કૌભાંડ મામલો : શૈલેષ ભટ્ટના ભાણેજ, નિકુંજ ભટ્ટ પાસેથી CID ક્રાઇમે 55 લાખ ની કિંમતના વધુ 11 બીટકોઈન રિકવર કર્યા. અત્યાર સુધી સીઆઇડી ક્રાઇમે 160થી વધુ બિટકોઇન રિકવર કર્યા છે, જેની અંદાજી કુલ કિંમત રૂ. 9 કરોડ અંકાય છે. access_time 5:37 am IST

  • કૈરાના,ભંડાર-ગોંદિયા અને નાગાલેન્ડના 123 બુથો પર મતદાન :યુપીના કૈરાના અને મહારાષ્ટ્રના ભંડારા ગોંદિયા અને નાગાલેન્ડની એક લોકસભા સીટ પર આજે બુધવારે મતદાન ;આ બેઠક પર 28મીએ પેટ ચૂંટણી કરાવાય હતી પરંતુ ત્રણ સીટના કેટલાક બુથ પર મતદાન થશે access_time 1:19 am IST

  • પાકિસ્તાનના પેશાવરમાં શીખ નેતા ચરણજિતસિંહની ગોળી મારીને હત્યા :હ્યુમન રાઈટ એક્ટિવિસ્ટ અને પાકિસ્તાનમાં શીખ કોમ્યુનિટીના નેતા ચરણજિતસિંહ પાકિસ્તાનમાં ધાર્મિક સદભાવને વધારવા અને હિંસા વિરુદ્ધ અવાજ ઉઠાવતા હતા: હુમલાખોર ગોળી મારીને બાઈક પર ફરાર access_time 1:25 am IST