Gujarati News

Gujarati News

News of Wednesday, 30th May 2018

પાલનપુરના બહુચરગઢમાં આમંત્રણ પત્રિકામાં સિંહ લખતા મુછો કાપવાની ફરજ પાડનાર ૪ શખ્‍સોની ધરપકડ

પાલનપુરઃ પાલનપુરના બહુચરગઢમાં યુવકને ૪ શખ્‍સોઅે મુછો કપાવવાની ફરજ પાડતા આ ચારેય શખ્‍સોની પોલીસે ધરપકડ કરી છે.

આ અંગેનો વીડિયો વાયરલ થયા બાદ આ બાબતે ઠાકોર સેનાના પ્રમુખ અલ્પેશ ઠાકોરે પણ સરકારે 48 કલાકનું અલ્ટિમેટમ આપ્યું હતું. પોલીસે ચારેય યુવકોની ધરપકડ કરીને તેમની સામે કાયદેસરની કાર્યવાહી હાથધરી છે. ધરપકડ કરવામાં આવનાર લોકોના નામ  ભરત ઠાકોર, રાહુલ ઠાકોર, મથુરજી ડાભી છે.

પાલનપુરના એક યુવકનો મૂછ મુંડવાનો વીડિયો વાયરલ થયો હતો. આ સમગ્ર વિવાદ આમંત્રણ પત્રિકામાં પોતાના નામની પાછળ સિંહ લખતા થયો હતો. બાદમાં અમુક અસામાજિક તત્વોએ આ યુવકને અટકાવીને તેની ધમકી આપીને મૂછો મુંડાવવાની ફરજ પાડી હતી.

ઉત્તર ગુજરાતના પાલનપુરના બહુચરગઢ ગામમાં ઠાકોર પરિવારમાં બાબરીનો પ્રસંગ હતો. જેના પગલે બાળકના કાકાએ ભત્રીજાની બાબરીની આમંત્રણ પત્રિકા છપાવી હતી. આ આમંત્રણ પત્રિકામાં તેણે બાળકની નામ પાછળ સિંહ લખ્યું હતું. કાકા જ્યારે ગામમાં આમંત્રણ પત્રિકા વહેંચવા ગયો હતો ત્યારે અમુક સમાજના લોકોને આ પસંદ પડ્યું હતું. આથી પાંચથી છ લોકોએ આમંત્રણ પત્રિકાની વહેંચણી કરનાર યુવકને ઘેરી લે તેને મૂછો મુંડાવવાની ફરજ પાડી હતી.

યુવકની મૂછો મુંડવાનો વીડિયો વાયરલ થયો હતો. અસામાજિક તત્વોએ ધાક અને ધમકી આપીને યુવકને મૂછો મુંડવાની ફરજ પાડી હતી. વીડિયોમાં સાંભળી શકાય છે કે અમાસાજિક તત્વો આ યુવકને ગાળો પણ ભાંડી રહ્યા છે. સાથે તેઓ યુવકની બધી જ પત્રિકા ફરીથી છપાવવાનો પણ આદેશ કરી રહ્યા છે. બાદમાં વીડિયોમાં જોઈ શકાય છે કે યુવક રેઝર વડે પોતાની મૂછો કાઢી રહ્યો છે. આ બનાવ અંગે યુવકના પરિવારે પાલનપુર પોલીસ સ્ટેશનમાં અરજી કરી હતી.

(4:49 pm IST)
  • દિલ્હીના માલવીયાનગર રહેણાક વિસ્તારમાં છેલ્લા ૧૨ કલાકથી, એક ગોડાઉનમાં લાગેલી વિકરાળ આગ હજુ બેકાબૂ : હજુ સુધી આગ પર કાબુ મેળવી શકાયો નથી : ફાયરબ્રિગેડ તંત્રએ આગ બુઝાવવા માટે હેલીકોપ્ટરની મદદની માંગણી કરી : ગોડાઉનની આસપાસના ઘરોમાં રહેતા લોકોમાં નચી ગઈ અફરાતફરી access_time 9:05 am IST

  • સાઉદી અરબના રિયાદમાં એક હોટલમાં એરઇન્ડિયાના પાયલોટનો મૃતદેહ મળ્યો :ચાલકદળનાં સૂત્રો મુજબ રીત્વિક તિવારી (ઉ,વ,27)નું હોટલના જીમમાં કથિત હૃદયરોગના હાર્ટએટેકના કારણે મૃત્યુ થયું છે access_time 1:37 am IST

  • પેડદાદી, તમારા જેવું કામ કોઈ નથી કરતું : સુરતનાં મીના મહેતાને પાંચ લાખ રૂપિયા અને ટ્રોફી આપતા અક્ષયકુમાર કહ્યું... : તેઓ સ્લમની મહિલાઓ અને કિશોરીઓને ફ્રીમાં સેનિટરી પેડ આપવાનું સેવાકાર્ય કરે છે, જે માટે અક્કીએ દિલ્હીમાં તેમનું સન્માન કર્યું હતું. access_time 4:06 pm IST