Gujarati News

અમદાવાદ : ગુજરાત યુનિવર્સિટી ખાતે કોરિયન સ્ટડી સેન્ટર સ્થાપવાની જાહેરાત યુનિવર્સીટી કુલપતિએ કરી છે. ગુજરાત યુનિવર્સિટીમાં યોજાઇ રહેલ કોરિયા અને ભારત વચ્ચેના સંબંધ વિશે સેમિનારનું આયોજન કરવામાં આવ્યું હતું . આ દરમિયાન કોરિયાના એમ્બેસેડર ઉપસ્થિત રહ્યા હતા . દેશમાં અનેક કોરીયન કંપનીઓ કાર્ય કરી રહી છે. ત્યારે વિદ્યાર્થીઓ પણ કંપનીમાં કામ કરી શકે, પ્રોગ્રામ એક્સચેન્જ થાય તે હેતુથી યુનિવર્સિટી ખાતે કોરિયન સેન્ટર બનાવવાની જાહેરાત પણ કરવામાં આવી છે.

   ગુજરાતમાં કોરિયાના વિદ્યાર્થીઓ અભ્યાસ માટે આવે અને અહીંના વિદ્યાર્થીઓ કોરિયામાં અભ્યાસ કરે તે માટે પણ સ્ટુડન્ટસ એક્સચેન્જ પણ શરૂ કરવામાં આવશે. કોરીયાના એમ્બેસેડર શિ બોંકીલે જણાવ્યુ હતુ કે ભારત અને કોરીયાના બે હજાર વર્ષના સંબંધ છે. અયોધ્યાની રાણીએ કોરીયાના રાજા સાથે લગ્ન કર્યા હતા અને તેથી જ કોરીયાના રૂટ ભારત સાથે સંકળાયેલા છે.