Gujarati News

સુરત: શહેરના અડાજણ ચાર રસ્તા ખાતે આવેલા ટી.વી.એસ પાવરવીંગ બાઇક પ્રા. લિ. નામના શો-રૂમમાં ગત તા. 24 ના રોજ બે યુવાનો બાઇક ખરીદવા આવ્યા હતા. બે પૈકીના એક યુવાને ટીવીએસ અપાચે આરટીઆર 160 બાઇક પસંદ હોવાનું કહી ટેસ્ટ ડ્રાઇવ માટે સેલ્સ એક્ઝીક્યુટીવ અંકિત સતીષ પટેલ (ઉ.વ. 30 રહે. 34, શ્રીધર સોસાયટી, એસ.આર. પેટ્રોલ પંપની સામે, જહાંગીરપુરા) પાસેથી બાઇકની ચાવી લઇ ટેસ્ટ ડ્રાઇવ માટે ગયા હતા. 

અંકિત અન્ય ગ્રાહક સાથે વાતચીતમાં વ્યસ્ત હોવાથી તેણે બંને યુવાનની પૂરતી ખાત્રી કરી ન હતી અને ચાવી આપી દીધી હતી. પરંતુ બે કલાક સુધી બંને યુવાન પરત નહીં આવતા અંકિતે તુરંત જ શો-રૂમ માલિકને જાણ કરી હતી અને બંને યુવાનની શોધખોળ કરી હતી.