Gujarati News

અમદાવાદ : વડાપ્રધાન નરેન્દ્ર ભાઈ મોદી આવતીકાલથી બે દિવસના ગુજરાત પ્રવાસે છે. વડાપ્રધાન નરેન્દ્રભાઈ  મોદી કેવડિયા કોલોની ખાતે સી પ્લેનમાં જવાના હોવાથી ત્યાં સુરક્ષાનો હવાલો સંભાળતા જવાનોનો કોરોના ટેસ્ટ કરવામાં આવ્યો હતો. એક્તા પરેડ ગ્રાઉન્ડ ખાતે જવાનોનો કોરોના ટેસ્ટ કરવામાં આવતા દસ જવાન કોરોના પોઝિટિવ હોવાનું જણાતા વહીવટીતંત્ર હરકતમાં આવી ગયુ હતુ.

 કોરોના પોઝિટિવ થયેલા દસ જવાનને રાજપીપળા ખાતેની હોસ્પિટલમાં ખસેડવામાં આવ્યા છે. કોરોનાના વ્યાપને જોતાં આવતીકાલે વડાપ્રધાન મોદીના આગમને પૂર્વે પણ સુરક્ષામાં હાંસલ જવાનો અને વહીવટીતંત્રના કર્મચારીઓનો વધુ એક ટેસ્ટ કરવામાં આવી શકે છે.