Gujarati News

Gujarati News

News of Thursday, 29th October 2020

રાજપીપળા એસટી ડેપોના પોઇચા બ્રિજ પરથી કુદેલા ડ્રાઈવરનો ત્રીજા દિવસે પોઇચાથી જ મૃતદેહ મળ્યો

પોઇચા આરોગ્ય કેન્દ્ર પર ડ્રાઈવરનું પી.એમ.કર્યા બાદ મૃતદેહ પરિવારજનોને સોપાયો: ડ્રાઈવરે ક્યાં કારણોસર આ પગલું ભર્યું એ રહસ્ય હજુ અકબંધ હોય રાજપીપળા પોલીસ તપાસ ચલાવી રહી છે

(ભરત શાહ દ્વારા) રાજપીપળા : રાજપીપળા એસટી ડેપોમાં ડ્રાઈવર તરીકે ફરજ બજાવતા આશિશ રણછોડભાઈ મુંડવાલા (રહે. સંતરામપુર જી.મહીસાગર) એ બે દિવસ પહેલા પોતાની રાજપીપળા ડેપોની ફરજ પુરી કર્યા બાદ પોઇચા બ્રિજ ઉપરથી નર્મદા નદીમાં મોતની છલાંગ લાગવી હતી ત્યારબાદ પોલીસ અને સ્થાનિક તરવૈયાઓ તેની સતત બે દિવસ શોધખોળ કરવા છતાં તેનો મૃતદેહ મળ્યો ન હોય આજે ત્રીજા દિવસે પોઇચા નર્મદા નદીમાંથી જ અશિસનો મૃતદેહ મળતા પોઇચા આરોગ્ય કેન્દ્રમાં તેનું પી.એમ.કર્યા બાદ તેના પરિવારજનોને મૃતદેહ સોંપી દેવાયો હતો.અશિસે આ પગલું કેમ ભર્યું એ રહસ્ય હજુ અકબંધ છે. રાજપીપળા પોલીસ આ બાબતે તપાસ કરી રહી છે.

(10:20 pm IST)
  • દેશમાં કોરોનાના કેસનો આંકડો 80 લાખને પાર પહોંચ્યો:નવા કેસની સંખ્યામાં એકધારો ઘટાડો:નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 45,597 કેસ નોંધાયા:કુલ કેસનો આંકડો 80,34,702 થયો :એક્ટીવ કેસ ઘટીને 6,03,275 થયા:વધુ 52,087 દર્દીઓ સ્વસ્થ થતા કુલ 73,09, 532 રિકવર થયા :વધુ 469 લોકોના મોત સાથે કુલ મૃત્યુઆંક 1,20,524 થયો access_time 1:00 am IST

  • દેશમાં કોરોનાના એક્ટીવ કેસનો આંકડો 6 લાખની અંદર સરક્યો : નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,692 કેસ નોંધાયા:કુલ કેસનો આંકડો 80, 87,976 થયો :એક્ટીવ કેસ ઘટીને 5,93,698 થયા:વધુ 57,709 દર્દીઓ સ્વસ્થ થતા કુલ 73, 71,748 રિકવર થયા :વધુ 561 લોકોના મોત સાથે કુલ મૃત્યુઆંક 1,21,130 થયો access_time 1:05 am IST

  • મધ્ય પ્રદેશ પેટા ચૂંટણી : મહેંગાવમાં પ્રચાર માટે ગયેલા ભાજપના ફાયર બ્રાન્ડ નેતા ઉમાભારતીની સભામાં ખુરસીઓ ખાલી : સભાના સ્થળથી 25 કિલોમીટર દૂર હેલીકૉપટર ઉતરતા સ્થળ ઉપર પહોંચવામાં મોડું થયું : ગુસ્સે થઇ ભાષણ આપ્યા વિના પરત ફર્યા access_time 1:55 pm IST