Gujarati News

Gujarati News

News of Tuesday, 29th September 2020

CM કાર્યાલયમાં પટાવાળા તરીકે ફરજ બજાવું છું.કોઈને સરકારી નોકરી જોઈતી હોય તો કહેજો કહીં ૩૫ લાખ ખંખેરી લેનાર ભાઇ-બહેન ઝડપાયા

બેકાર હોવાના કારણે બંને સગા ભાઈ -બહેને છેતરપિંડી કરી:. પોલીસે બંનેને ઝડપી અને આગળની કાર્યવાહી હાથ ધરી

ગાંધીનગર: સેક્ટર ૨૧ મહાવીર સોસાયટીમાં રહેતાં અને મૂળ બોરીજના રહીશ વિષ્ણુ રણછોડભાઈ પ્રજાપતિ સેક્ટર ૨૧ શાક માર્કેટમાં કરિયાણાની દુકાન ધરાવે છે. તેમને દુકાને અવારનવાર કરિયાણું લેવા આવતાં ૪૫ વર્ષીય જ્યોત્સના ઉર્ફે શારદા કાંતિભાઈ વાઘેલા (રહે, સંજરી પાર્ક પેથાપુર) દ્વારા વિષ્ણુભાઈને CM કાર્યાલયમાં પટાવાળા તરીકે ફરજ બજાવું છું. તેમના સગાને કોઈ સરકારી નોકરી જોઈતી હોય તો સંપર્ક કરવો તેમ જણાવ્યું હતું. ત્યારબાદ તેમની પાસેથી ટુકડે ટુકડે ૩૫ લાખ રૂપિયાની માતબર રકમ ખંખેરવામાં આવી હતી.જ્યારે જ્યોત્સનાબહેન અન્ય એક સાગરિત ટીબી ઝાલાના નામથી ફરિયાદી સાથે વાત કરતો હતો અને તેના દ્વારા વિષ્ણુભાઈ પ્રજાપતિને તેમની બન્ને દીકરીઓના ઓર્ડર લેવા માટે ૩.૧૦ લાખ આપી જવા જણાવ્યું હતું. ત્યારે નવા સચિવાલય ગેટ નંબર ૧ પાસે જ્યોત્સનાબહેન અને તેનો અન્ય સાગરિત ભરત ગણેશ પુરબીયા (રહે વઢવાણ સુરેન્દ્રનગર) નાણાં લેવા માટે આવ્યાં હતાં તે દરમિયાન ગાંધીનગર લોકલ ક્રાઇમ બ્રાંચના પીઆઇ જે.જી. વાઘેલા, પીએસઆઇ એ. જી. એનુરકર દ્વારા ટ્રેપ ગોઠવવામાં આવી હતી. જેને લઇને આ બંને નાણાં લેવા માટે આવતાં જ ઝડપી લેવામાં આવ્યાં હતાં. આ મહિલા અને પુરુષ બંને સગાં ભાઈબહેન થાય છે અને બેકાર હોવાના કારણે છેતરપિંડી કરી હતી. પોલીસે બંનેને ઝડપી અને આગળની કાર્યવાહી હાથ ધરી હતી.
 

(11:54 pm IST)
  • આજથી ખુલ્યા ત્રણ મહત્વના IPO: યુટીઆઇ AMC, મઝગાંવ ડોક અને લિખિતા ઇન્ફ્રા : ૧ લી ઓકટોબરે ત્રણેય ઇસ્યુ બંધ થશે access_time 11:21 am IST

  • ' જનોઈની કસમ ,આ વખતે બીજેપી ને વોટ નહીં ' : અયોધ્યામાં નિર્માણ પામી રહેલા શ્રી રામ એરપોર્ટ માટે સંપાદન કરાયેલી જમીનનું યોગ્ય વળતર ન મળ્યું : જબરદસ્તી સહીઓ લેવાઈ ગઈ : ખેડૂતોનો ઉગ્ર આક્રોશ : સમાજવાદી પાર્ટીએ ખેડૂતોના હક્ક માટે લડત આપવા તૈયારી બતાવી access_time 7:41 pm IST

  • IPLમાં કુલ ૩૪૯૮ રન બન્યા : ૧૫૩ છગ્ગાઓ લાગ્યા : ૨૨૨ રન સાથે લોકેશ રાહુલ ટોચ ઉપર : ગઈકાલ સુધી આઈપીએલમાં ૧૦ મેચ રમાયા : ૨૩૭૯ બોલ ફેંકાયા : જેમાંથી ૩૪૯૮ રન બન્યા : ૧૨૧ વિકેટો પડી : ૧૫૩ છગ્ગાઓ, ૨૭૧ ચોગ્ગા લાગ્યા : ૨૩ ફીફટી અને ૨ સદી બની : ૨૨૨ રન સાથે લોકેશ રાહુલ ટોચના સ્થાને છે access_time 3:11 pm IST