Gujarati News

Gujarati News

News of Tuesday, 29th September 2020

બનાસડેરીની 16માંથી 9 બેઠકો બિનહરીફ શંકરભાઈ ચૌધરીનું પ્રભુત્વ યથાવત

દાંતા, અમીરગઢ, દાંતીવાડા, ડીસા, ધાનેરા, વાવ, રાધનપુર, સાંતલપુર, સુઇગામ અને લાખણી બેઠક બિનહરીફ

અમદાવાદ : એશિયાની સૌથી મોટી બનાસ ડેરીના 6 ડિરેક્ટરો માટે આવનારી 19 ઓક્ટોબરે ચૂંટણી યોજાવાની છે. ત્યારે આ ચૂંટણીમાં ઉમેદવારી નોંધાવવા માટે આજે છેલ્લો દિવસ છે. જેમાં મોટા મોટા નેતાઓએ ઉમેદવારી નોંધાવી છે.બનાસડેરીની 16માંથી 9 બેઠકો બિનહરીફ થઇ છે. 9 બેઠકો બિનહરીફ થતાં બનાસ ડેરી પર શંકરભાઈ ચૌધરીનું પ્રભુત્વ યથાવત રહ્યું છે.

બનાસડેરીની ચૂંટણીને લઇ સહકાર અને સરકારી રાજકારણ ગરમાયું છે. ત્યારે બનાસડેરી ડિરેક્ટરની ચૂંટણીમાં 16 બેઠકો માટે 37 ફોર્મ ભરાયા છે. 16માંથી 9 બેઠકો બિનહરીફ થતા 7 બેઠકો પર ચૂંટણી યોજાશે. જેમાં દાંતા, અમીરગઢ, દાંતીવાડા, ડીસા, ધાનેરા, વાવ, રાધનપુર, સાંતલપુર, સુઇગામ અને લાખણી બેઠક બિનહરીફ થઇ છે.

આ બિનહરીફ થયેલી 9 ડિરેક્ટરો શંકર ચૌધરીના સમર્થનમાં હોવાથી શંકર ચૌધરી બિનહરીફ થયા છે. દાંતીવાડા બેઠક પર ડિરેક્ટર માટે પરથીભાઇ ચૌધરી બિનહરીફ ચૂંટાયા છે. પરથીભાઇ ચૌધરી શંકરભાઈ ચૌધરીના સમર્થનમાં હોવાની માહિતી મળી રહી છે. મહત્વનું છે કે, એશિયાની સૌથી મોટી અને વર્ષે 12,000 કરોડનું ટર્ન ઓવર ધરાવે છે

આજે તાલુકાઓમાં માત્ર એક જ ઉમેદવારી પત્રો આવતા ઉમેદવારો બિનહરીફ થયા છે તેમાં
રાધનપુર - શંકરભાઈ ચૌધરી
સાંતલપુર - રાઘાભાઈ આયર
સુઈગામ - મુળજીભાઈ પટેલ
ધાનેરા - જોઈતાભાઈ પટેલ
દાંતીવાડા - પરથીભાઈ જે. ચૌધરી
અમીરગઢ - ભાવાજી રબારી
વાવ - રાયમલભાઈ કે. ચૌધરી
દાંતા - દિલીપસિંહ બારડ અને
લાખણી - ધુડાભાઇ ઉ. ચૌધરી નો સમાવેશ થાય છે

(6:36 pm IST)
  • IPLમાં કુલ ૩૪૯૮ રન બન્યા : ૧૫૩ છગ્ગાઓ લાગ્યા : ૨૨૨ રન સાથે લોકેશ રાહુલ ટોચ ઉપર : ગઈકાલ સુધી આઈપીએલમાં ૧૦ મેચ રમાયા : ૨૩૭૯ બોલ ફેંકાયા : જેમાંથી ૩૪૯૮ રન બન્યા : ૧૨૧ વિકેટો પડી : ૧૫૩ છગ્ગાઓ, ૨૭૧ ચોગ્ગા લાગ્યા : ૨૩ ફીફટી અને ૨ સદી બની : ૨૨૨ રન સાથે લોકેશ રાહુલ ટોચના સ્થાને છે access_time 3:11 pm IST

  • નાગપુર સહિત પૂર્વ વિસ્તારમાં ચોમાસાનો અંતિમ રાઉન્ડ ચાલુ ૧૦ ઓકટોબર પહેલા ચોમાસું પાછું ખેંચાશે નહીં : આ ચોમાસાની સિઝનનો ગાજવીજ સાથે વરસાદનો અંતિમ રાઉન્ડ નાગપુર સહિત પૂર્વ વિદર્ભમાં ચાલી રહ્યો છે. ૩૦ સપ્ટેમ્બરથી અહીં ગરમ અને સૂકું હવામાનની સંભાવના છે. ૧૦ ઓકટોબર પહેલા ચોમાસુ પાછું ખેંચવાની શકયતા નથી. access_time 3:59 pm IST

  • 30 સપ્ટે.ના રોજ બાબરી ધ્વંસનો ચુકાદો : ફાંસી થાય તો મંજુર પણ જામીન નહીં માંગુ : કોરોના સંક્રમિત ભાજપ આગેવાન ઉમા ભારતીએ હરિદ્વારથી ભાજપ અધ્યક્ષને પત્ર લખી જાણ કરી access_time 8:24 pm IST