Gujarati News

Gujarati News

News of Tuesday, 29th September 2020

સુરતમાં દલાલ મારફતે 21.50 લાખની સાડી મંગાવી તમિલનાડુના પિતા-પુત્રએ છેતરપિંડી કરતા ફરિયાદ દાખલ

સુરત: શહેરના દલાલ મારફતે રૂ.21.50 લાખની સાડી મંગાવી તમિલનાડુના સેલમમાં વેપાર કરતા રાજસ્થાની પિતા-પુત્રએ 30 થી 60 દિવસમાં પેમેન્ટનો વાયદો કરી પેમેન્ટ ચુકવ્યું ન હતું અને ઉઘરાણીના સમયે ધાકધમકી આપી દુકાન બંધ કરી ઉઠમણું કરી ફરાર થઈ ગયા હતા. આ અંગે દલાલે પિતા-પુત્ર વિરુદ્ધ સલાબતપુરા પોલીસ મથકમાં છેતરપિંડીની ફરિયાદ નોંધાવી છે.

પોલીસ સૂત્રો દ્વારા પ્રાપ્ત થતી વિગતો મુજબ, સુરતના ગોડાદરા મહારાણા પ્રતાપ ચોક વ્રજધામ સોસાયટી ઘર નં.142 ના બીજા માળે રહેતા 38 વર્ષીય સજ્જનસિંહ બદરીસિંઘજી સિસોદીયા રીંગરોડ એસ.ટી.એમ પાર્કિંગ પ્રોજેક્ટ માર્કેટમાં દુકાન નં.232 માં અંકીતા એજન્સીના નામે કાપડ દલાલીનું કામ કરે છે. મૂળ રાજસ્થાનના પાલીના વતની અને તમિલનાડુમાં સેલમમાં એલેમપલ્લી સીકેવીપી થિયેટર રોડ 644 ખાતે શ્રી સાંઇ સિલ્કસના નામે કાપડનો વેપાર કરતા પિતા-પુત્ર જીવારામ લોહાર- દેવારામએ ગત 22 ડિસેમ્બર 2018 થી 16 સપ્ટેમ્બર 2019 દરમિયાન સજ્જનસિંહ પાસેથી સાડીનો માલ મંગાવતા સજ્જનસિંહે તેમની અલગ-અલગ વેપારી પાર્ટીઓ પાસેથી કુલ રૂ.21,50,273 ની કિંમતની સાડીનો જથ્થો પિતા-પુત્રને સેલમ મોકલ્યો હતો. પેમેન્ટ માટે 30 થી 60 દિવસનો વાયદો હોવા છતાં પિતા-પુત્રએ સમયસર પેમેન્ટ કર્યું ન હતું.

(5:22 pm IST)
  • ટ્રેકટર સળગાવવા મામલે પીએમ મોદીની ટિપ્પણીઃ જેમની ખેડૂતો પૂજા કરે છે તેને જ વિપક્ષે આગ લગાડી access_time 4:04 pm IST

  • દેશમાં કોરોનાના કહેર વચ્ચે રાહત : સતત ઘટતા નવા કેસ અને રિકવર થનારની વધતી સંખ્યા : રાત્રે 12 વાગ્યા સુધીમાં નવા 65,943 કેસ નોંધાયા : કુલ કેસની સંખ્યા 61,39,294 થઇ : હાલમાં 9,45,852 એક્ટીવ કેસ : વધુ 82,881 દર્દીઓ સ્વસ્થ થતા કુલ 50,96,260 રિકવર થયા : વધુ 746 લોકોના મોત સાથે મૃત્યુઆંક 96,322 થયો access_time 1:12 am IST

  • બિહારમાં ગઠબંધનનો દોર શરૂ :પપ્પુ યાદવની જન અધિકારી પાર્ટી, ચંન્દ્રશેખર આઝાદની આઝાદ સમાજ પાર્ટી, બીએમપી અને સોશિયલ ડેમોક્રેટિક પાર્ટી ઓફ ઈન્ડિયાએ સાથે મળીને પીડીએ( પ્રોગ્રેસિવ ડેમોક્રેટિક અલાયંસ) બનાવ્યુ: રાલોસપાના અધ્યક્ષ ઉપેન્દ્ર કુશવાહ સાથે વાતચીત ચાલુ: લોજપા અને કોંગ્રેસને પણ ગઠબંધનમાં સામેલ થવા કહેણ : પપ્પુ યાદવે કહ્યું રાજ્યમાં ચાલી રહેલા 30 વર્ષનું મહાપાપ હવે ખતમ થશે access_time 12:53 am IST