Gujarati News

Gujarati News

News of Tuesday, 29th September 2020

રાજપીપળા સહિત નર્મદા જિલ્લામાં આવનારા નવરાત્રી, દિવાળીના તહેવારો પૂર્વે ફરસાણ, મીઠાઈનું ચેકીંગ જરૂરી

નવા નિર્ણય મુજબ હવે ખુલ્લી મીઠાઇ વેચનારા વેપારીઓએ ૧ લી ઓક્ટોબરથી એક્સપાયરી ડેટ આપવી પડશે:જોકે આવનારા મોટા તહેવારો પહેલા આ નિર્ણય કેટલો સફળ થશે એ સમય જ બતાવશે

(ભરત શાહ દ્વારા) રાજપીપળા : ફૂડ રેગ્યુલેટર ફૂડ સેફ્ટી એન્ડ સ્ટાન્ડર્ડ્સ ઓથોરિટી ઈન્ડિયા (એફએસએસએઆઈ) એ મીઠાઇના વેચાણ પર એક નવો નિયમ બનાવ્યો છે.આ નવા નિયમના અમલ બાદ હવે ગ્રાહકો બજારમાં વેચાતી ખુલ્લી મીઠાઈ ઓની એક્સપાયરી ડેટ મેળવી શકશે.આ નિયમ હેઠળ હવે વેપારીઓએ ખુલ્લી મીઠાઇના ઉપયોગ  માટે સમય મર્યાદા આપવાની રહેશે. અને આ નિયમ ૧ લી ઓક્ટોબરથી લાગુ થશે તેમ પણ જાણવા મળ્યું છે.ત્યારે હવે આવનારા મોટા તહેવારો પહેલા આ નિર્ણય કેટલો સફળ થશે એ સમય જ બતાવશે.જોકે જાણવા મળ્યા મુજબ નર્મદા જિલ્લામાં કેટલાક વેપારીઓ રેડીમેડ માવો (પાઉડર વાળો મિલાવટી માવો) ખીરીદી મીઠાઈ બનાવતા હોય અથવા રેડીમેડ મીઠાઈ લાવી વેંચતા હોય એ સ્વાસ્થ્ય માટે જોખમી હોય છતાં બિન્દાસ વેચાણ થાય તો એ બાબતે કોણ પગલાં લેશે..?
 જોકે રાજપીપળા ખાતે ફૂડ એન્ડ ડ્રગ ની કચેરી કાર્યરત નથી આ કચેરી ભરૂચ ખાતે હોય અમુક તહેવારો માં ફરસાણ મીઠાઈ સહિત ની દુકાનો નું ચેકીંગ કરાઈ છે જેમાં ખાસ કરી કોઈ વાંધા જણાતા નથી ત્યારે આવા નિયમો નો પણ કેટલો અમલ થશે અને અમલ બાબતે ની તટસ્થ તપાસ કોણ કરશે એ આવનારો સમય બતાવશે

(4:59 pm IST)
  • આજથી ખુલ્યા ત્રણ મહત્વના IPO: યુટીઆઇ AMC, મઝગાંવ ડોક અને લિખિતા ઇન્ફ્રા : ૧ લી ઓકટોબરે ત્રણેય ઇસ્યુ બંધ થશે access_time 11:21 am IST

  • ટ્રેકટર સળગાવવા મામલે પીએમ મોદીની ટિપ્પણીઃ જેમની ખેડૂતો પૂજા કરે છે તેને જ વિપક્ષે આગ લગાડી access_time 4:04 pm IST

  • દેશમાં કોરોનાના કહેર વચ્ચે રાહત : સતત ઘટતા નવા કેસ અને રિકવર થનારની વધતી સંખ્યા : રાત્રે 12 વાગ્યા સુધીમાં નવા 65,943 કેસ નોંધાયા : કુલ કેસની સંખ્યા 61,39,294 થઇ : હાલમાં 9,45,852 એક્ટીવ કેસ : વધુ 82,881 દર્દીઓ સ્વસ્થ થતા કુલ 50,96,260 રિકવર થયા : વધુ 746 લોકોના મોત સાથે મૃત્યુઆંક 96,322 થયો access_time 1:12 am IST