Gujarati News

Gujarati News

News of Tuesday, 29th September 2020

રાજપીપળાના કાર માઈકલ પુલ પર મુખ્ય પાણીની લાઈન લીકેજ થતા રોજનું હજારો લીટર પાણી રોડ પણ વહી રહ્યું છે

એક તરફ અમુક વિસ્તારોમાં પાણી ઓછું મળવાની બુમો છે ત્યાં આમ પાણીના બગાડથી લોકોમાં ભારે રોષ:પાલિકા તંત્ર વેરા વધાર્યા બાદ પણ શહેરીજનોને પૂરતી સુવિધા આપવામાં જાણે નિષ્ફળ ગઈ હોય તેમ જણાય છે

(ભરત શાહ દ્વારા) રાજપીપળા : રાજપીપળા નગરપાલિકાની પાણીની મુખ્ય લાઈન લીકેજ થતા રોજનું હજારો લીટર પાણી માર્ગ ઉપર વહી રહ્યું હોવા છતાં ઘણા દિવસથી લીકેજ પાણી બાબતે પાલિકા તંત્ર જાણે અજાણ હોય એમ જણાય છે.ત્યારે વેરા વધારવા છતાં કેટલાંક વિસ્તારોમાં પડતી પાણીની તકલીફ બાબતે કાયમી ઉકેલ આવતો નથી અને નવા કામો મંજુર કરાવવામાં જ જાણે રસ હોય તેમ લોકોને પડતી તકલીફ નજર અંદાજ કરાઈ રહી છે જેમાં હાલ કાર માઈકલ પુલ પરની મુખ્ય પાણીની લાઈન એક અઠવાડિયા કરતા વધુ સમય થી લીકેજ જોવા મળતા તેમાં થી રોજનું હજારો લીટર પાણી માર્ગ ઉપર વહી રહ્યું છે.આમ પણ રાજપીપળા શહેર માં સ્ટેટ સમયની પાણી ની લાઈનો છે જે સડી ગઈ હોય વારંવાર તેમાં લીકેજ ની તકલીફ આવતા પાલિકા દ્વારા ખાડા ખોદી રિપેરેશન કરાય છે જેમાં માર્ગો પર ખોદકામ થતા લાંબા સમય સુધી માર્ગો પણ ઉબડ ખાબડ હાલતમાં થઈ જતા હોય પાલિકા તંત્ર પાણીની લાઈનો બાબતે ગંભીરતા થી નિર્ણય લઈ લીકેજ માં હજારો લીટર પાણી નો બગાડ અટકાવે તે જરૂરી છે.

(4:57 pm IST)
  • દેશમાં કોરોનાના કહેર વચ્ચે સતત ઘટતા નવા કેસ અને રિકવર થનારની વધતી સંખ્યા : રાત્રે 12 વાગ્યા સુધીમાં નવા 80,500 કેસ નોંધાયા:કુલ કેસની સંખ્યા 62,23,519 થઇ હાલમાં 9,40,473 એક્ટીવ કેસ: વધુ 86,061 દર્દીઓ સ્વસ્થ થતા કુલ 51,84,634 રિકવર થયા : વધુ 1178 લોકોના મોત સાથે મૃત્યુઆંક 97,529 થયો access_time 1:04 am IST

  • બપોરે ધોરાજીમાં ભૂકંપનો આંચકો : રાજકોટ - પોરબંદર હાઈવે ઉપર આવેલ રાજકોટથી ૧૦૦ કિ.મી. દૂર ધોરાજી શહેરમાં ૩:૪૫ વાગ્યે અત્યારે ભૂકંપનો જોરદાર આંચકો આવતા લોકોમાં ભારે ગભરાટ છવાઈ ગયેલ : અનેક લોકો ઘરની બહાર નીકળી ગયા (કિશોર રાઠોડ, ધોરાજી) access_time 3:59 pm IST

  • હવે એલઆઈસી વેચવા કાઢી કેન્દ્ર સરકારે જણાવ્યુ છે કે લાઈફ ઈન્સ્યોરન્સ કોર્પોરેશનમાં ૨૫% હિસ્સો તબક્કાવાર વેચવા અંગે વિચાર કરી રહેલ છે access_time 4:27 pm IST