Gujarati News

હાર્દિક પટેલના ટેકામાં આજે પાટીદાર આંદોલન સમિતિએ કલેકટરને આવેદનપત્ર પાઠવ્યું ત્યારની તસ્વીર.

રાજકોટ તા.૨૯: પાટીદાર અનામત આંદોલન સમિતિએ આજે કલેકટરને આવેદન પાઠવી જણાવ્યું હતું કે, અમો પાટીદાર સમાજના આગેવાનો (એસપીજી-ગ્રૃપ) પાટીદાર સમાજની માંગણી અને લાગણી ને માન આપીયે છીએ. અમારો હાર્દિક પટેલના ઉપવાસને જાહેર ટેકો છે.

ગુજરાતના ૧૪૪ ની કલમનું હિટલરશાહિની જેમ ભાજપ સરકાર ગેરવ્યાજબી રીતે ઉપયોગ કરી રહી છે આ ૧૪૪ની કલમને પાછી ખેંચવામાં આવે. અને ગુજરાતમાં ગાંધી ચિંધ્યા માર્ગે હાર્દિક પટેલ અને તેમના આગેવાનો ને સમાજની માંગણી માટે યોગ્ય નિર્ણય માટે કાયદાકીય કાર્યક્રમોની પરવાનગી આપવામાં આવે તેમજ અલ્પેશ કથીરીયાની ૩ વર્ષ પછી રાજકોટમાં ધરપકડ કરવામાં આવી તેનો વિરોધ છે, તેમને તેથી જેલ મુકત કરવામાં આવે.(૧.૩૧)