Gujarati News

Gujarati News

News of Friday, 29th June 2018

સુરત-વિજાપુરમાં ર, કપરાડામાં દોઢ ઇંચ

ગુજરાતના ૯૦ તાલુકાઓમાં ઝરમર અને ઝાપટાનો વરસાદ

 વાપી તા. ર૯ :.. રાજયભરમાં સટાસટી સાથે એન્‍ટ્રી લેનાર મેઘરાજા નરમ પડતા વરસાદનું જોર ઘટયું છે. રાજયના આશરે ૯૦ જેટલા તાલુકાઓમાં ઝરમરથી ર ઇંચ જેટલો હળવો વરસાદ નોંધાયો છે.

ફલડ કંટ્રોલ પાસેથી મળતી માહિતી અનુસાર છેલ્લા ર૪ કલાકમાં રાજયના વિવિધ વિસ્‍તારોમાં નોંધાયેલ વરસાદના મુખ્‍યત્‍વે આંકડામાં દક્ષિણ ગુજરાત પંથકમાં સુરત જીલ્લાનાં તાલુકાઓમાં સુરત સીટી ૪૩ મી.મી., ચોપોશી ૪૦ મી. મી., બારડોલી ૩૬ મી. મી., પલસાણા ૧૭ મી. મી. તો વલસાડ જીલ્લાના કપરાડામાં ૩૬ મી. મી. અને નર્મદા જીલ્લાના ગરૂડેશ્વર પંથકમાં ૪૦ મી. મી. તાપી જીલ્લાના વાલોળમાં રપ મી. મી. વરસાદ નોંધાયેલ છે.

પૂર્વ અને મધ્‍ય ગુજરાત પંથકમાં ખેડા જીલ્લાના તાલુકાઓમાં માતર રર મી. મી. વાસો ૧૯ મી. મી. અને ખેડા ર૮ મી. મી. તો વડોદરા જીલ્લાના તાલુકાઓમાં સીનોર ર૮ મી. મી. અને દેશર ૧૩ મી. મી. વરસાદ નોંધાયેલ છે.

મહીસાગર જીલ્લાના તાલુકાઓમાં વિરપુર-૪પ મી. મી., કડાણા ૧૮ મી. મી., તો છોટા ઉદેપુર જીલ્લાના તાલુકાઓમાં જેતપુર પાવી ૧૪ મી. મી. વરસાદ નોંધાયેલ છે.

ઉત્તર ગુજરાત પંથકમાં પાટણ જીલ્લાના તાલુકાઓમાં રાધનપુર ર૯ મી. મી. અને સરસ્‍વતી ૩૬ મી. મી. તો બનાસકાંઠા જીલ્લાના તાલુકાઓમાં વડગામ ર૯ મી. મી. તથા સાબરકાંઠા જીલ્લાના તાલુકાઓમાં ઇડર ૩૪ મી. મી. અને વિજયનગર ૧૮ મી. મી. વરસાદ નોંધાયેલ છે.

ઉપરાંત મહેસાણા જીલ્લાના તાલુકાઓમાં સતલાસણા ૩૭ મી. મી. ઉંજા ૧ર મી. મી. અને વડનગર ૧૭ મી. મી. વરસાદ નોંધાયેલ છે.

છેલ્લા ર૪ કલાકમાં રાજયના ર૭ જીલ્લાઓમાં ઝરમર થી ૪પ મી. મી. સુધીનો વરસાદ નોંધાયો છે આ લખાઇ રહયું છે ત્‍યારે એટલે કે સવારે ૯.૩૦ કલાકે રાજયના અનેક વિસ્‍તારોમાં વાદળછાયું વાતાવરણ છવાયું છે. પરંતુ કયાંય મેઘરાજાએ જમાવટ કરી હોય એવા વાવડ મળતા નથી.

(10:45 am IST)
  • ઉપરાષ્ટ્રપતિ એમ વેંકૈયા નાયડૂ આજે પીસી મહાલનોબિસ જયંતીની 125મી વર્ષગાઠ અને સ્ટેટિસ્ટિક્સ ડેએ તેમના સન્માનના ભાગરૂપે રૂપિયા 125નો સિક્કો જાહેર કરશે. આ ઉપરાંત આજે રૂપિયા પાંચના પણ નવા સિક્કા જાહેર કરવામાં આવશે. નોંધનીય છે કે, મહાલનોબિસ જયંતીને સ્ટેટિસ્ટિક્સ ડે તરીકે મનાવવામાં આવે છે. કારણ કે ભારતીય સ્ટેટિસ્ટિક્સ સંસ્થાની સ્થાપના મહાલનોબિસે 1931માં કરી હતી. access_time 1:39 pm IST

  • લાલુને ઇલાજ માટે હાઇકોર્ટ તરફથી બીજી વખત મળી ૬ સપ્તાહની પ્રોવિઝનલ બેલઃ ૧૧ મી મેથી જામીન ઉપર છેઃ હવે ૧૭ ઓગસ્‍ટ સુધી રાહતઃ ૬ માંથી ૪ કેસમાં થઇ છે સજા access_time 3:44 pm IST

  • અમેરિકામાં ભારતીય સોફ્ટવેર એન્જીનીયર પર ઇન્સાઇડર ટ્રેડિંગનો આરોપ :યુનાઇટેડ સ્ટેટ્સ માર્કેટ્સ રેગ્યુલેટરે ભારતીય સોફ્ટવેર એન્જિનિયરિંગ મેનેજર સુધાકર રેડ્ડી બોન્થુ પર ઇનસાઇડર ટ્રેડિંગના આરોપ મૂક્યો :સુધાકર રેડ્ડી બોન્થુ પર વાયદા બજાર અંગે તેના માલિક પાસેથી વિશ્વસનીય માહિતી મેળવીને અયોગ્ય રીતે જંગી ફાયદો મેળવવાનો આરોપ મૂકવામાં આવ્યો છે. access_time 1:16 am IST