Gujarati News

રાજકોટ તા.૧૯: રાજય સરકારે ટેકાના ભાવે મગફળી ખરીદતી વખતે બારદાનમાં ૩૫ના બદલે ૩૦ કિલો મગફળી ભરવાની છુટ આપી છે. મોટી મગફળી બારદાનમાં ૩૫ કિલો ભરીને મશીન સિલાઇ કરવામાં મુશ્કેલી પડતી હોવાથી ખેડૂતોએ ૩૦ કિલો ભરવાની છુટ આપવા માંગણી કરેલ તે સરકારે સ્વીકારી છે. વજનમાં માથાકૂટ કે વિસંગતતા ન રહે તે માટે તમામ કેન્દ્રો પર ૩૦-૩૦ કિલોમાં જ બારદાન ભરવામાં આવશે. બારદાન વધી જવાથી થનાર વધારાનો ખર્ચ રાજય સરકાર ભોગવશે.

રાજયના નાગરિક પુરવઠા મંત્રી શ્રી જયેશ રાદડિયાએ સરકારના ઉપરોકત નિર્ણયની જાહેરાત કરી તમામ કલેકટરોને જરૂરી સૂચના આપી છે.