Gujarati News

Gujarati News

News of Saturday, 28th November 2020

વેક્સિનના ટ્રાયલ માટે નવ વર્ષની બાળકી પહોંચી ગઈ

સોલા હોસ્પિટલમાં કોરોના વેક્સિનની ટ્રાયલ ચાલુ : ૧૮ વર્ષથી વધુની વ્યક્તિ જ ટ્રાયલમાં ભાગ લઈ શકે એમ હોઈ બાળકીને સમજાવીને પાછી મોકલવામાં આવી

અમદાવાદ, તા.૨૮ : સોલા સિવિલ હોસ્પિટલમાં જ્યારે નવ વર્ષની એક બાળકી કોરોનાની રસી લગાવવા માટે પહોંચી ત્યારે ડોક્ટરો પણ આશ્ચર્યમાં મૂકાઈ ગયા હતા. હાલ આખા ગુજરાતમાં આ હોસ્પિટલમાં ભારત બાયોટેક દ્વારા બનાવાયેલી કોરોનાની રસીની ટ્રાયલ ચાલી રહી છે. રસીની ટ્રાયલ સાથે સંકળાયેલા એક અધિકારીના જણાવ્યા અનુસાર, બાળકીનો જુસ્સો બીજા લોકોને પણ પ્રોત્સાહિત કરે તેવો હતો. જોકે, ગાઈડલાઈન અનુસાર, ૧૮ વર્ષથી વધુ વય ધરાવતા લોકો જ રસીના પરિક્ષણમાં ભાગ લઈ શકે તેમ હોવાથી ડૉક્ટરોએ બાળકીને સમજાવીને ઘરે પાછી મોકલી હતી. બાળકીના માતા-પિતાએ પણ રસીના પરીક્ષણમાં ભાગ લેવા માટે પોતાનું નામ લખાવ્યું છે. શુક્રવારે હોસ્પિટલમાં વધુ સાત લોકોએ રસીની ત્રીજા તબક્કાની ટ્રાયલ હેઠળ પહેલો ડોઝ લીધો હતો.

      આ રસીના બે ડોઝ ૩૦ દિવસના ગાળામાં આપવામાં આવશે. હાલ દેશના ૨૧ સેન્ટર્સમાં રસીનું ત્રીજા તબક્કાનું ટ્રાયલ ચાલી રહ્યું છે, અને ૨૬ હજાર વોલેન્ટિયર્સ તેમાં હિસ્સો લઈ રહ્યા છે. ૧૮થી ૬૦ વર્ષનો કોઈપણ સ્વસ્થ વ્યક્તિ આ રસી લઈ શકે છે. તેનો ડોઝ આપ્યા બાદ ૩૦ મિનિટ સુધી વ્યક્તિને ઓબ્ઝર્વેશનમાં રાખી ઘરે જવા દેવાય છે. રસી આપ્યા બાદ ડૉક્ટર્સ તેના સંપર્કમાં રહી રસીની શરીરમાં શું અસર થઈ તે ચેક કરતા રહે છે. દરેક વોલેન્ટિયર્સને એક વર્ષ સુધી દર મહિને હોસ્પિટલમાં ચેક-અપ માટે આવવાનું રહે છે. જે કોઈ વ્યક્તિ આ ટ્રાયલમાં ભાગ લેવા ઈચ્છતા હોય તેઓ સોલા સિવિલ હોસ્પિટલના મેડિસિન વિભાગનો સોમથી શુક્ર દરમિયાન સવારે ૧૦થી બપોરે ૧ વાગ્યા સુધી સંપર્ક કરી શકે છે. રસી મૂકાવતા પહેલા તેમનું ચેક-અપ પણ કરાય છે.

રસી માટે એનરોલ થતી વખતે ૧૦ પેજનું એક ફોર્મ ભરવાનું રહે છે. જેમાં રસીની સંભવીત સાઈડ ઈફેક્ટ્સ ઉપરાંતની બીજી ઘણી વિગતો દર્શાવાઈ હોય છે. તે તમામ પર સહમતી આપ્યા બાદ જ વ્યક્તિને રસીનો ડોઝ આપવામાં આવે છે.

(8:47 pm IST)
  • પેટ્રોલ ડીઝલના ભાવમાં આજે આઠમા દિવસે પણ ભાવમાં વધારો ઝીંકાયો: પેટ્રોલમાં 24 પૈસા અને ડીઝલનાં ભાવમાં પ્રતિ લિટરે 31 પૈસાનો વઘારો થયો :આઠ દિવસમાં પેટ્રોલમાં 1.07 અને ડીઝલમાં 1.86 ૱ નો ભાવ વધારો થયો છે:ભાવ વધારો સવારે છ વાગ્યા થી લાગુ થશે access_time 11:44 pm IST

  • દેશમાં કોરોનાથી મૃત્યુઆંક 1.36 લાખને પાર પહોંચ્યો :એક્ટિવ કેસ ફરી વધ્યા : રાત્રે 11 વાગ્યા સુધીમાં કોરોનાના નવા 39,414 કેસ નોંધાયા:કુલ કેસનો આંકડો 93,49,285 થયો :એક્ટીવ કેસ 4, 53,436 થયા: વધુ 39,815 દર્દીઓ સ્વસ્થ થતા કુલ 87,57,524 રિકવર થયા :વધુ 438 લોકોના મોત સાથે કુલ મૃત્યુઆંક 1,36,190 થયો access_time 11:58 pm IST

  • અમદાવાદ શહેરમાં કોરોના વિસ્ફોટ :કોરોનાનું સંક્રમણ વધ્યું, ગોતા,બોડકદેવ અને થલતેજ બન્યા હોટસ્પોટ ઝોન: અમદાવાદ મહાનગરપાલિકા દ્વારા વધુ 24 વિસ્તારોને માઈક્રો કન્ટેનમેન્ટ ઝોનમાં મુકાયા access_time 11:51 pm IST