Gujarati News

Gujarati News

News of Saturday, 28th November 2020

વડોદરા:ડભોઈના ગોપાલપુરા નજીક પોલીસે કારનો પીછો કરી 2.73 લાખના વિદેશી દારૂના જથ્થા સાથે ત્રણ આરોપીને ઝડપી પાડ્યા

વડોદરા:ડભોઈના ગોપાલપુરા ગામ પાસે દારૃ  ભરેલી કારને પીછો કરીને એલ.સી.બી. પોલીસે ઝડપી પાડી હતી. કારમાંથી ૨.૭૩ લાખનો દારૃ મળી આવતાં પોલીસે ત્રણ આરોપીની ધરપકડ કરી છે.

એલ.સી.બી. પોલીસને માહિતી મળી હતી કે એક બ્લ્યૂ કલરની કાર દારૃ ભરીને છોટાઉદેપુર બોડેલી તરફથી વડોદરા આવનાર છે. જેથી પોલીસે ડભોઈના ગોપાલપુરા ગામ નજીક વોચ ગોઠવી હતી. દરમિયાન ઉપરોક્ત કાર આવતાં પોલીસે કાર ઊભી રાખવાનો ઈશારો કર્યો હતો. પરંતુ કાર ચાલકે કાર ગોપાલપુરા ગામના બસ સ્ટેન્ડથી અંદર હંકારી મૂકી હતી. પોલીસે કારનો પીછો કરી દિપાપુરા ગામના વળાંક પાસે ઝડપી પાડી હતી. કારમાં તપાસ કરતાં વિદેશી દારૃની ૫૭૬ બોટલ કિંમત રૃપિયા ૨.૭૩ લાખની મળી આવતી હતી. પોલીસે દારૃ કાર ત્રણ મોબાઈલ ફોન સહિત ૯.૯૪ લાખ રૃપિયાનો મુદ્દામાલ જપ્ત કર્યો છે. તેમજ કારમાં બેસેલા ૧. બાબર હબીબભાઈ પઠાણ ૨. આમીન રફીકભાઈ શેખ અને ૩. ચેતન અશોકભાઈ રણા (ત્રણેય રહે.નાગરવાડા નવી ધરતી)ને ઝડપી પાડયા હતા.  ત્રણેય આરોપી સામે ડભોઈ પોલીસ સ્ટેશનમાં ગુનો દાખલ કરવામાં આવ્યો છે. આરોપીઓ દારૃ ક્યાંથી લાવ્યા હતો. કોને આપવાનો હતો તે અંગે પોલીસે તપાસ હાથ ધરી છે.

(5:15 pm IST)
  • જામનગર જિલ્લાના લાલપુરમાં 2 જૂથ વચ્ચે અથડામણ: 3 લોકો ઘાયલ: મહિલાની છેડતી બાબતે અથડામણ થયાનું પ્રાથમિક તારણ: પોલીસ કાફલો ઘટનાસ્થળે પહોંચ્યો : ચાંપતો બંદોબસ્ત ગોઠવાયો access_time 11:48 pm IST

  • અમદાવાદ શહેરમાં કોરોના વિસ્ફોટ :કોરોનાનું સંક્રમણ વધ્યું, ગોતા,બોડકદેવ અને થલતેજ બન્યા હોટસ્પોટ ઝોન: અમદાવાદ મહાનગરપાલિકા દ્વારા વધુ 24 વિસ્તારોને માઈક્રો કન્ટેનમેન્ટ ઝોનમાં મુકાયા access_time 11:51 pm IST

  • 30 નવેમ્બરના રોજ વારાણસી જશે નરેન્દ્રભાઈ : ગંગા નદીમાં બોટ રાઇડ કરશે : વડાપ્રધાન શ્રી નરેન્દ્રભાઈ મોદી ૩૦ નવેમ્બરે વારાણસીની મુલાકાતે આવી રહ્યા છે તેઓ ગંગા નદીમાં બુટ મુસાફરી કરશે અને કાશી વિશ્વનાથ મંદિરની મુલાકાત પણ લેશે. વારાણસીના રાજઘાટ પર દીપ પ્રગટાવશે તથા વારાણસી અને પ્રયાગરાજ વચ્ચે એક નવા હાઇવેનું ઉદઘાટન કરશે access_time 10:45 am IST