Gujarati News

Gujarati News

News of Wednesday, 28th October 2020

આરોપી અને પીડિતા વચ્ચે સમાધાન: ગુજરાત હાઇકોર્ટે આરોપી સરકારી કર્મચારી સામે દુષ્કર્મની ફરિયાદ રદ કરી

આરોપી અને પીડિતા (ફરિયાદી) સરકારી કર્મચારી: મિત્રો અને સબંધીઓની મદદથી સમાધાન: કોર્ટે નોંધ્યું આ વિવાદ ખાનગી અને અંગત મામલો

અમદાવાદ : દુષ્કર્મ  આરોપી અને પીડિતા વચ્ચે મિત્રો અને સબંધીઓની મદદથી સમાધાન થઈ જતાં ગુજરાત હાઇકોર્ટ દ્વારા રેપની ફરિયાદ રદ કરાઈ છે બંને આરોપી અને પીડિતા (ફરિયાદી) સરકારી કર્મચારી હોવાનું સામે આવ્યું છે.

ગુજરાત હાઇકોર્ટ દુષ્કર્મની ફરિયાદ રદ કરતા નોંધ્યું હતું કે વિવાદ ખાનગી અને અંગત મામલો છે. બંને પક્ષ લાંબા સમયથી એક વિસ્તારમાં રહે છે અને બંને પક્ષ વચ્ચે સમાધાન થઈ ગયું હોવાથી કેસમાં આગળ કાર્યવાહીનો કોઈ અર્થ રહેતો નથી.

અરજદારના વકીલ તરફે હાઈકોર્ટમાં રજૂઆત કરવામાં આવી હતી કે બંને આરોપી અને પીડિતા સરકારી કર્મચારી છે અને આરોપીફરિયાદી ઓફીસ આરોપીની કારમાં જતા હતા જેથી તેમની વચ્ચે સારી મિત્રતા પણ હતી. બંને પક્ષે કોર્ટ બહાર સમાધાન કરી લીધો છે અને તેમની વચ્ચે હવે કોઈ મનદુઃખ કે સમસ્યા નથી..

ફરિયાદી (પીડિતા) તરફે હાઈકોર્ટમાં સોગંદનામું રજૂ કરી જણાવ્યું હતું કે તેમની વચ્ચે હવે કોઈ વિવાદ રહ્યો નથી અને જો FIR રદ કરવામાં આવે તો તેની સામે પણ કોઈ વાંધો નથી. ગેરસમજ અને ગુસ્સામાં FIR દાખલ કરાઈ હોવાનો દાવો કરાયો હતો.

સમગ્ર કેસની વિગત એવી છે કે ફરિયાદી (પીડિતા) દ્વારા આરોપી સામે ધંધુકા પોલીસ સ્ટેશન ખાતે FIR દાખલ કરવવામાં આવી હતી. પોલીસે આરોપી સામે IPCની કલમ 376(2)(n), 323, 384 અને 506(2) મુજબ ગુનો નોંધી તપાસ હાથ ધરી હતી.

 

(12:03 am IST)
  • ૩૧મી ઓકટોબરે ગુજરાતમાં ટુરીસ્ટો માટે અનેક સવલતો ખુલ્લી મૂકશે નરેન્દ્રભાઈઃ સ્ટેચ્યુ ઓફ યુનિટી ખાતે ૩૧ ઓકટોબરે નરેન્દ્રભાઈ મોદી ટુરીસ્ટો માટે 'સી પ્લેન' સહિત સંખ્યાબંધ સવલતો ખુલ્લી મૂકશે : સ્પાઈસ જેટે આ માટે ૫૦ વર્ષ જૂનું એર ક્રાફટ ખરીદ્યુ છે : એરલાઈન્સના કહેવા મુજબ આ વિમાન સંપૂર્ણ સલામત જાળવણી કરેલુ અને શ્રેષ્ઠ કન્ડીશનમાં છે access_time 12:41 pm IST

  • મગફળી ખરીદી : ત્રીજા દિવસે રાજકોટ શહેર-જીલ્લામાં ૧ હજારથી વધુ ખેડૂતોને બોલાવાયા : ર૦૦થી વધુ આવ્યા : ઉતારા-ભેજમાં ઘટાડા અંગે ચાલી રહેલી સતત માથાકુટ : દેકારો : રાજકોટ શહેર-જીલ્લામાં ચાલી રહેલ મગફળી ખરીદીમાં આજે ત્રીજા દિવસે ૧ હજારથી વધુ ખેડૂતોને બોલાવાયા : ર દિવસમાં પ હજાર કિલોથી વધુ ખરીદી : આજે બપોર સુધીમા ર૦૦ ખેડૂતો આવ્યા : ઉતારામાં ઘટાડો-ભેજમાં વધારો અંગે ગ્રેડરો-ખેડૂતો-તંત્ર વચ્ચે અનેક કેન્દ્રો ઉપર સતત માથાકુટ-દેકારો : સરકારમાં ઉચ્ચસ્તરે રજુઆત access_time 3:37 pm IST

  • વીજળીના દરમાં પ્રતિ યૂનિટ ૧૯ પૈસાનો ઘટાડો : ઊર્જા મંત્રી સૌરભ પટેલની જાહેરાત : ફ્યુલ સરચાર્જમા કરાયો ઘટાડો : ૧૪૦ કરોડ ગ્રહકોને થશે ફયદો : ઉધ્યોગ જગતને વીજળીબીલમાં રાહત access_time 5:41 pm IST