Gujarati News

Gujarati News

News of Wednesday, 28th October 2020

ઝઘડો કરવાની ના પાડતા માતાને જ પુત્રને ધમકી

બાપુનગર વિસ્તારની વિવાદાસ્પદ ઘટના : પુત્રની ચિંતા કરીને લોકો સાથે ઝઘડો કરવાની ના પાડતા પુત્રએ માતાને ચપ્પુ બતાવીને મારી નાંખવાની ધમકી આપી

અમદાવાદ,તા.૨૮ : સંતાનોની ચિંતા હમેશાં માતા પિતાને સતાવતી હોય છે. પરંતુ કેટલીક વખત સંતાનો જ માતા પિતા માટે મુસીબતના પહાડ બની જાય છે અને એવી મુશ્કેલીઓ નોતરે છે કે, ઊંઘ હરામ થઈ જાય. આવો જ એક બનાવ શહેરના બાપુનગર વિસ્તારમાં જોવા મળ્યો છે. અમદાવાદના બાપુનગરમાં પુત્રની ચિંતા કરીને લોકો સાથે ઝઘડો કરવાનીના પાડતા પુત્રએ માતાને જ ચપ્પુ બતાવીને જાનથી મારી નાંખવાની ધમકી આપી છે. બાપુનગરમાં રહેતી એક મહિલાએ પોલીસ ફરિયાદ નોંધાવી છે. જેમા જણાવ્યું છે ક, તેનો મોટો પુત્ર વિપુલ ચાલીમાં કેટલાક લોકો સાથે બોલાચાલી કરીને ઝઘડો કરી રહ્યો હતો. તેઓ ત્યાં પહોંચ્યા હતા. જ્યાં વિપુલ ચાલી નજીકમાં કેટલાક અજાણ્યા યુવકો સાથે બોલાચાલી કરતો હતો. જેથી ફરીયાદી મહિલાએ તેને બોલાચાલી નહિ કરવા માટે જણાવતા વિપુલ તેની માતા પર ઉશ્કેરાઈ ગયો હતો. અને બીભત્સ ગાળો આપવા લાગ્યો હતો.

            જોકે, આ દરમિયાન તેનો બીજો દીકરો વચ્ચે પાડતા તેને પણ વિપુલે બે ત્રણ લાફા મારી દીધા હતા. આ સાથે તેણે તેની પાસે રહેલુ ચપ્પુ બતાવીને ફરિયાદીને ધમકી આપી હતી કે ,મારા ઝઘડામાં તારે માથાકૂટ કરવાની જરૂર નથી. તું વચ્ચે ના આવીશ નહિ તો જાનથી મારી નાંખીશ. બાદમાં તે ત્યાંથી ફરાર થઈ ગયો હતો. વિપુલ સામે અગાઉ પણ બાપુનગર પોલીસ સ્ટેશનમાં ગુના દાખલ થયેલા હોવાથી તેને બે વર્ષ માટે તડિપાર કરેલ હોવાનો ઉલ્લેખ ફરિયાદીએ કરેલ છે. હાલમાં પોલીસે આ સમગ્ર મામલે ફરિયાદ નોંધીને વધુ તપાસ શરૂ કરી છે.

(7:35 pm IST)
  • કેન્દ્રીય મંત્રી સ્મૃતિ ઈરાની કોરોના સંક્રમિત : બિહાર ચૂંટણી કમપેનમાં શામેલ સ્મૃતિ ઈરાનીએ સંપર્કમાં આવેલા લોકોને ટેસ્ટ કરાવી લેવા ટ્વીટર દ્વારા જાણ કરી access_time 7:03 pm IST

  • ફરજ પાલનમાં બેદરકારી સબબ દિલ્હી યુનિવર્સીટીના વાઇસ ચાન્સેલર યોગેશ ત્યાગી સસ્પેન્ડ : તેમના ઉપરના આરોપોની તપાસ માટે રાષ્ટ્રપતિ શ્રી રામનાથ કોવિંદે આદેશ આપ્યો access_time 6:37 pm IST

  • જપ્ત કરેલા ટ્રેઈલરોની ચોરી કરી વહેંચી મારવા સબબ 'ઈડી'ના ટોચના અધિકારીઓ સહિત ૫ની ધરપકડઃ સુરતની એક પેઢી પાસેથી દરોડા દરમિયાન કબ્જે કરવામાં આવેલ 'ટ્રેઈલરો'ની ચોરી કરી વહેંચી નાખવાના પ્રયાસો સબબ એન્ફોર્સમેન્ટ ડાયરેકટોરેટ (ઈડી)ના ડેપ્યુટી ડાયરેકટર સહિત ૫ની ધરપકડ કરવામાં આવી છે : તેમાંથી મુંબઈના ઈડીના એક બાતમીદાર સહિત ૩ લોકોનો સમાવેશ થાય છે જેમને સુરતની સેન્ટ્રલ જેલમાં મોકલી દેવામાં આવ્યા છે જયારે 'ઈડી'ના વધુ બે ઓફીસરોની ધરપકડ હજુ બાકી છે access_time 12:40 pm IST