Gujarati News

Gujarati News

News of Wednesday, 28th October 2020

પતિ, સાસુ, બે નર્સ, ડૉક્ટર સામે ચોંકાવનારા આક્ષેપો

નર્સ આપધાત કેસ : બીજી સ્યુસાઇડ નોટ મળી : ડો. દુબે અને બે નર્સ સહિત પતિ અને સાસુ મળી પાંચ સામે જાતીય સતામણીનો અને ત્રાસ આપ્યાનો ગુનો દાખલ

નવસારી,તા.૨૮ : નવસારીના સિવિલ હૉસ્પિટલમાં નર્સ તરીકે કામ કરતી ૨૭ વર્ષની મેઘા આચાર્ય આપઘાત કેસમાં અન્ય એક અંગ્રેજીમાં લખેલી સ્યુસાઇડ નોટ મળી છે. આ કેસમાં પોલીસે મેઘાનાં પતિ, સાસુ અને ડૉ. ડુબેની અટકાયત કરી છે. સિવિલ સર્જન ડો. અવિનાશ દુબે અને બે નર્સ સહિત પતિ અંકિત અને સાસુ મળી પાંચ સામે જાતીય સતામણીનો અને શારીરિક-માનસિક ત્રાસ આપ્યાનો ગુનો દાખલ કરવામાં આવ્યો હતો. જ્યારે મેઘાએ લખેલી વધુ બે પાનાંની સુસાઈડ નોટ મળી આવી છે જેમાં લખ્યું છે કે, ઘરે પતિ શારીરિક-માનસિક ત્રાસ આપતો હોવાનું અને નવસારી સિવિલમાં સર્જન ડો. દુબે સાથે શારીરિક સંબંધ રાખવા માટે ત્રાસ આપતા હતા. મેઘાએ બે પાનની સ્યુસાઇડ નોટ અંગ્રેજીમાં લખી છે. જેમાં તેણે લખ્યું છે કે, જો હું મૃત મળું તો પ્લીઝ મારાં સાસુ અને પતિ પર ઈક્નવાયરી થવી જોઈએ. તેમણે દહેજ માટે મને ત્રાસ આપ્યો છે.

                 મારા પતિએ શારીરિક અને માનસિક ત્રાસ આપ્યો છે, જેથી મેં ઘર છોડી દીધું હતું. જ્યારે અહીં તારા ગામીતે મને માનસિક ત્રાસ આપવાનું શરૂ કર્યું હતું. તે ઈચ્છતી હતી કે હું ડો. દુબેની શારીરિક સંબંધની માગ પૂરી કરું. તે સતત રિલેશન અંગે ત્રાસ આપતા હતા. જોકે મેં ના કહેતાં મેટ્રન વનિતાએ ડ્યૂટીમાં જ ત્રાસ આપવાનું શરૂ કર્યું હતું, હું બહુ દબાણમાં હતી. જો મને કંઈ થાય તો આ તમામ લોકો જવાબદાર છે. મહત્વનું છે કે, મેઘા કોરોના વોરિયર હતી તે એક વાર કોરોનાગ્રસ્ત પણ થઇ હતી. ત્યાર બાદ તેને થાઈરોઈડ બાબતે તબીબને બતાવવા મેટ્રન પાસે રજા માગી હતી. પરંતુ તેનું જાહેરમાં અપમાન કર્યું હતું. હૉસ્પિટલની મેટ્રન તારા ગામીત અને વનિતા પટેલ તેને સર્જન ડૉ. દુબે સાથે શારીરિક સંબંધ બનાવવા માટે દબાણ કરતા હોવાનો આક્ષેપ તેણે એક છ પાનની સ્યુસાઇડ નોટમાં કર્યો હતો. મેઘાએ ૨૧મી ઓક્ટોબરનાં રોજ મઘરાતે પોતાના બેડરૂમમાં ગળેફાંસો ખાઇને આપઘાત કરી લીધો હતો. મેઘાએ લખેલી બીજી બે પાનની સ્યુસાઇડ નોટ પણ મળી આવી છે. મેઘા આપઘાત પ્રકરણમાં સુસાઈડ નોટમાં સિવિલ સર્જન, બે નર્સ તેમજ પતિ અને સાસુનાં નામ બહાર આવ્યાં બાદ પોલીસે કાર્યવાહી હાથ ધરી સિવિલ સર્જન ડૉ. અવિનાશ દુબે, મેઘાની સાસુ જયશ્રીબેન ખંભાતી અને પતિ અંકિત ખંભાતીને સોમવારે પૂછપરછ માટે બોલાવ્યા હતા. તેમની અટક કરવામાં આવી છે.

(7:34 pm IST)
  • મારીચ ,કંસ ,તથા શકુનિનો સરવાળો બરાબર શિવરાજ મામા : મધ્ય પ્રદેશ પેટા ચૂંટણીમાં કોંગી આગેવાન આચાર્ય પ્રબોધ ક્રિષ્ણનનો ચૂંટણી પ્રચાર access_time 1:48 pm IST

  • દેશમાં કોરોનાના નવા કેસની સંખ્યામાં એકધારો ઘટાડો:નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 વાગ્યા સુધીમાં કોરોનાના નવા 42,714 કેસ નોંધાયા:કુલ કેસનો આંકડો 79,88,783 થયો :એક્ટીવ કેસ ઘટીને 6,10,345 થયા:વધુ 58,006 દર્દીઓ સ્વસ્થ થતા કુલ 72,57,022 રિકવર થયા :વધુ 509 લોકોના મોત સાથે કુલ મૃત્યુઆંક 1,20,053 થયો access_time 1:08 am IST

  • મુખ્યમંત્રી પદ ગુમાવવાથી કમલનાથ પાગલ થઇ ગયા છે : તેમની માતા કે બહેન બંગાળની આઈટમ હોય શકે છે : ઈમરતી દેવીને' આઈટમ ' કહેનાર કમલનાથ ઉપર વળતો પ્રહાર : ચૂંટણી પંચે નોટિસ પાઠવી : 48 કલાકમાં જવાબ દેવાનો ઈમરતીદેવીને આદેશ કર્યો access_time 8:38 pm IST