Gujarati News

Gujarati News

News of Monday, 28th September 2020

અમદાવાદ રેલવે સ્ટેશન પર ટ્રેનોના મુસાફરોના કોરોના ટેસ્ટિંગમાં વધુ 15 પોઝિટિવ કેસ મળ્યા

રાજધાની એક્સપ્રેસમાં સૌથી વધુ 10 કોરોના પોઝિટિવ કેસો નીકળ્યા

 

અમદાવાદ: અમદાવાદ આવેલી જુદી જુદી ટ્રેનોના મુસાફરોના સતત 21મા દિવસે હાથ ધરાયેલી ટેસ્ટિંગની કામગીરીમાં કુલ 15 કોરોના પોઝિટિવના કેસો મળ્યા હતા. તેમાંથી 10 તો એક માત્ર રાજધાની એકસપ્રેસમાંથી મળ્યા હતા. આમ રાજધાની એક્સપ્રેસમાંથી અન્ય બે ટ્રેનોની સરખામણીમાં વધુ કેસો મળે છે.  1366 મુસાફરોના ટેસ્ટ કરવામાં આવ્યા હતા. તેમાંથી કુલ 15 કેસો મળી આવ્યા હતા. 28 કેસો પૈકીના 4 દર્દીઓને સાબરમતી રેલવે સ્ટેશન ખાતે ઊભા કરવામાં આવેલા કોવીડ કેર સેન્ટરમાં દાખલ કરવામાં આવ્યા હતા. જયારે 11 દર્દીઓને હોમ કવોરન્ટાઇન કરવામાં આવ્યા છે.

અમદાવાદ શહેરમાં નોવેલ કોરોના વાયરસનું સંક્રમણ ફેલાતું અટકાવવા માટે અમદાવાદ મ્યુનિ. કોર્પોરેશન દ્રારા વિવિધ પગલાંઓ લેવામાં આવ્યા છે. જેના ભાગરૂપે અમદાવાદ શહેરના સાતેય ઝોનમાં એક ખાસ ઝુંબેશ હેઠળ ટેસ્ટિંગની કામગીરી હાથ ધરવામાં આવી છે.

ટેસ્ટિંગ દરમિયાન પરપ્રાંતિય મજુરો તથા કામદારોમાં કોરોના પોઝિટિવ કેસો મોટા પ્રમાણમાં મળી આવ્યા હતા. શહેરના જુદા જુદા વિસ્તારોમાં વસવાટ કરતાં મજૂરો/કામદારોને શોધવામાં ઘણો સમય વ્યતીત થતો હતો. બીજી તરફ કોરોના પોઝિટિવ ધરાવતા મજૂરો તથા કામદારો અન્ય સાથીદારોમાં સંક્રમણ ઊભું કરે તેવી શકયતા દેખાઇ રહી હતી. જેથી અમદાવાદ મ્યુનિ. કોર્પોરેશને અમદાવાદમાં પ્રવેશે તે પહેલાં પરપ્રાંતિય મજૂરો તથા કામદારોના ટેસ્ટ કરવાનું નક્કી કર્યું હતું. જેના ભાગરૂપે અમદાવાદ રેલવે સ્ટેશન પર ટેસ્ટિંગની કામગીરી હાથ ધરી હતી.

કાલુપુર રેલ્વે સ્ટેશન પર આવેલી અમદાવાદ દિલ્હી વચ્ચેની રાજધાની એક્સપ્રેસના 564 મુસાફરોનું ટેસ્ટિંગ થયું હતું. તેમાંથી 10 કોરોના પોઝિટિવ કેસો મળી આવ્યા હતા. જયારે ગોરખપુર એક્સપ્રેસ ટ્રેનમાં આવેલા 380 પ્રવાસીઓના ટેસ્ટ કરવામાં આવ્યા હતા. તેમાંથી 3 કોરોના પોઝિટિવ કેસો મળ્યા હતા. તે રીતે મુઝફરપુર એક્સપ્રેસ ટ્રેન મારફતે આવેલા 422 પ્રવાસીઓની ચકાસણીમાં 2 પોઝિટિવ કેસો મળી આવ્યા હતા.

આમ સરવાળે કુલ 1366 મુસાફરોનું દિવસ દરમિયાન ટેસ્ટિંગ કરાયું હતું. જેમાં 15 મુસાફરો કોરોના પોઝિટિવ નિકળ્યા હતા. આગામી સમયમાં પણ મોટાપાયા પર વિવિધ સ્થળોએ ટેસ્ટિંગની કામગીરી ચાલુ રહેશે તેવું કોર્પોરેશને જાહેર કર્યું છે.

(11:48 pm IST)
  • UPSCની પરીક્ષા મોકૂફ રાખવા અંગે સુપ્રીમમાં વધુ સુનાવણી ૩૦મીએ : UPSCની પરીક્ષા મોકૂફ રાખવાની માગનો મામલે સુપ્રીમમાં વધુ સુનાવણી ૩૦ સપ્ટેમ્બરના હાથ ધરાશે : કોર્ટમાં UPSCએ જવાબ રજૂ કર્યો, પરીક્ષા મહત્વપૂર્ણ સરકારી સેવાઓ માટે છે, હવે પરીક્ષા સ્થગિત કરવી યોગ્ય નથીઃ સુપ્રીમ કોર્ટે UPSCને લેખીતમાં એફિડેવિટ આપવા કહ્યું access_time 2:54 pm IST

  • સમરસ હોસ્ટેલમાં ૧ હજાર બેડની વ્યવસ્થા ૩૦૦ બેડ-ઓકસીજન વાળા જાહેર : રાજકોટ સીટી પ્રાંત-ર ચરણસિંહ ગોહીલે જણાવ્યું હતું કે, યુનિ. પાસેની સમરસ હોસ્ટેલમાં ૧ હજાર બેડની વ્યવસ્થા છે, તેમાંથી ૩૮૮ બેડ ઓકસીજન વાળા છે, જેમાં હાલ ૧૦ દર્દીઓ છેઃ આ ઉપરાંત એ-સિમ્ટમ્સ વાળા રપ૦ દર્દીને હાલ સારવાર અપાઇ રહી છેઃ બેડ અંગે હાલ કોઇ મુશ્કેલી નહી હોવાના નિર્દેશો... access_time 3:48 pm IST

  • ભાજપ સાથે વધુ એક પક્ષ છેડો ફાડવાની તૈયારીમાં શિવસેના અને અકાલી દળ પછી હવે વધુ એક પક્ષ ભાજપના એનડીએ મોરચા સાથે છેડો ફાડી રહ્યાનું જાણવા મળે છે. *ન્યુઝફર્સ્ટ access_time 7:01 pm IST