Gujarati News

રાજકોટઃ  એસીબી સમક્ષ એક ફરિયાદીએ એવી રજુઆત કરી હતી કે તેમના પિતાનું  નામ   ૭/૧ર ના  ઉતારામાં ઉમેરવા માટે વીજીલન્સ મામલતદાર નોર્થ ઝોન ગાંધીનગરના ચંદ્રકાંત ભાઇ સોનીએ નામ દાખલ કરી આપતો હુકમ કરી આપવા માટે તેની પાસેથી સાડા ત્રણ લાખ રૃપીયાની લાંચની માંગણી કરી છે. અને આ માટે પ૦ - પ૦ હજાર રૂપીયાના હપ્તા કરવાનું પણ  નકકી થયાનું ફરીયાદમાં ફરીયાદીએ જણાવેલ.

ફરિયાદીની ઉપરોકત ફરીયાદ આધારે એસીબીએ ત્રણ લાખની લાંચ પૈકી રૃ. પ૦ હજારની લાંચનો હપ્તો સ્વીકારતા કહેવાતા મામલતદારને છટકામા ઝડપી લીધેલ હતા. એસીબી તપાસમાં એેવો ધડાકો થયો હતો કે પોતાને વીજીલન્સ મામલતદાર તરીકે ઓળખાવતા શખ્સ પાસે ખરેખર કોઇ હોદો જ નથી ખોટા હોદા ધારણ કરી લોકોને ખંખેરી રહ્યા હતા.

એસીબી વડા કેશવકુમારના આદેશ અનુસાર ઉકત શખ્સની વિશેષ તપાસ કરી તેની પાસે રહેલ વીજીલન્સ કમિશ્નર અને વીજીલન્સ મામલતદારના સિકકાઓ એસીબીએ કબજે કર્યા હતો.