Gujarati News

અમદાવાદ: સાણંદમાં એક ભાઈએ તેની બહેન અને બનેવીની હત્યા કરી નાખી કારણકે તે તેમના લગ્નની વિરુદ્ધમાં હતો. હાર્દિક ચાવડાએ તેની બહેન તરુણા અને તેના પતિ વિશાલ પરમારની તેમના ઘરમાં જ કરપીણ હત્યા કરી. છ મહિના પહેલા વિશાલ અને તરુણા છારોડી સ્થિત પોતાના ઘર છોડીને ભાગી ગયા અને 5 માર્ચે લગ્ન કરી લીધા.

અમદાવાદ (ગ્રામ્ય)ના DySP કે.ટી. કામરિયાએ કહ્યું કે, આ કપલ આશરો મેળવવા માટે વિવિધ જગ્યાઓ બદલી કારણકે તેમનો ભાઈ તેમના લગ્નના વિરોધમાં હતો. ત્રણ દિવસ પહેલા જ તરુણા અને વિશાલ સાણંદ રહેવા આવ્યા હતા અને રોજમદાર મજૂર તરીકે કામ કરતા.” બુધવારે તરુણા અને વિશાલ સાણંદમાં હોવાની હાર્દિકને જાણ થઈ.

કપલના પાડોશીઓના જણાવ્યા પ્રમાણે, બંનેની હત્યા કરતી વખતે હાર્દિક સતત બોલતો હતો કે તેમણે લગ્ન કેમ કર્યા? હત્યા બાદ હાર્દિક ઘટનાસ્થળેથી ફરાર થઈ ગયો. અમદાવાદ (ગ્રામ્ય)ના DySP કે.ટી. કામરિયાએ કહ્યું કે, પોલીસે તરુણા અને વિશાલના માતા-પિતાના નિવેદનો નોંધ્યા છે. જેના પરથી આ કેસ ઓનર કિલિંગનો હોવાનું સ્પષ્ટ થયું છે. બંનેના મૃતદેહોને પોસ્ટમોર્ટમ માટે મોકલી દેવાયા છે. પોલીસે ફરાર આરોપી હાર્દિકની ધરપકડ કરવામાં આવી છે.