Gujarati News

અમદાવાદઃ રાજ્યમાં કોરોના સંક્રમિતના કેસમાં સતત વધારો થતો જઇ રહ્યો છે.ખાસ કરીને અમદાવાદમાં કોરોનાએ હાહાકાર મચાવ્યો છે તાજેતરમાં જ અમદાવાદમાં 3 પોલીસકર્મીઓ કોરોના સંક્રમિત થયાં હતાં. જેઓ ત્રણેય પોલીસકર્મીઓનાં મોત નિપજ્યાં છે. ત્યારે એક વાર ફરી અમદાવાદમાં વધુ એક પોલીસકર્મીનો કોરોના રિપોર્ટ પોઝિટિવ આવ્યો છે. શહેરમાં આવેલ નિકોલ પોલીસ સ્ટેશનનાં PSI કે.ડી. હડિયાનો કોરોના રિપોર્ટ પોઝિટિવ આવ્યો છે. તેમનો રિપોર્ટ પોઝિટિવ આવતા તેઓને હોસ્પિટલમાં દાખલ કરવામાં આવ્યાં છે.તેઓ સિવિલ કોવિડ-19માં ફરજ નિભાવી રહ્યાં હતાં. આ અગાઉ ઓઢવનાં PI જાડેજાનો પણ કોરોના રિપોર્ટ પોઝિટિવ આવ્યો હતો. પોલીસ અધિકારી કોરોના સંક્રમિત થતા સ્ટાફમાં ચિંતાનો માહોલ સર્જાઇ ગયો છે.