Gujarati News

Gujarati News

News of Monday, 28th May 2018

રાજ્યમાં ગયા વર્ષે 112 ટકા વરસાદ પડ્યો છતાં જળસંકટ :હજારો ગામોમાં પીવાના પાણીની તંગી

સરકારના અણધડ વહીવટને કારણે ખેડૂતોને સિંચાઈ માટે આજીજી કરવી પડે અને બહેનોને 10 કી,મી, ચાલીને પાણી ભરવું પડે છે

 

અમદાવાદ :ગયા વર્ષે રાજ્યમાં ૧૧૨ ટકા વરસાદ પડયો છતાં સરકારના અણઘડ વહીવટ તેમજ આયોજનના અભાવે હજાર ગામોમાં પીવાના પાણીની તંગી સર્જાઈ છે. રાજ્ય સરકાર જો એમ કહેતી હોય કે પાણી વ્યવસ્થાપન અને વિતરણનો ખર્ચ મોંઘો પડે છે તો તે જળ વિતરણ, જળ સંચય અને જળ પ્રબંધન ક્ષેત્રની નિષ્ફળતાનું સ્વીકારનામું છે તેમ ગુજરાત કોંગ્રેસે જણાવ્યું છે.

  ગુજરાત કોંગ્રેસે જણાવ્યું છે કે, રાજ્યના હજાર ગામોમાં પીવાના પાણીની તંગી છે, ખેડૂતોને સિંચાઈના પાણી માટે આજીજી કરવી પડે છે. ભાજપ સરકારના કારણે નાગરિકોને જળસંકટનો સામનો કરી રહ્યા છે.

   સરકારે ૧૬ હજાર કરોડનો કેપિટલ ખર્ચ માત્ર પાણી પુરવઠા પાછળ કર્યો છે. છેલ્લાં વર્ષમાં જુદી જુદી પાણીની યોજના પાછળ ૫૦ હજાર કરોડથી વધુની જાહેરાતો કરાઈ છે, કરોડોના ખર્ચ પછીયે બહેનોને અનેક વિસ્તારોમાં ૧૦ કિ.મી. જેટલું ચાલીને પાણી ભરવા જવું પડે છે. સરકારની ગુનાઈત બેદરકારીના કારણે આજે ટેન્કર રાજની સ્થિતિ છે, પાણી માફિયાઓ કરોડોનો વેપાર કરી રહ્યા છે.    આયોજન પંચ તેમજ કેગે કહ્યું હતું કે, સમાંતર રીતે કેનાલનું કામ થયું હોવાથી ખેડૂતોને પાણી મળતું નથી, દર સિઝનમાં ખેડૂતોને ૧૮૦૦ કરોડથી વધુનું નુકસાન થઈ રહ્યું છે.

(11:33 pm IST)
  • મોટી રકમ પહોંચાડવાના આક્ષેપ કૈરાના પેટાચુંટણીઃ આઝમખાને બીજેપી પર લગાવ્‍યો મુસ્‍લિમ મત ખરીદવાનો આરોપ access_time 4:59 pm IST

  • ઇરાકના તાનાશાહ સદ્દામ હુસૈન માટે તૈયાર કરાયેલ શાનદાર શિપને હવે હોટલ બનાવવા તૈયારી થઇ રહી છે 82 મીટર લાંબી આ શિપને 1981માં બનાવાઈ હતી,કિંગ સાઈઝ બેડ,મખમલના પડદા,સોનાથી સજાવેલા બાથરૂમ શીપમાં છે બરસા બ્રિજ નામથી આ શિપને હવે ઈરાકી સરકાર હોટલમાં રૂપાંતરિત કરવા વિચારણા કરી રહી છે બે વર્ષ સુધી આ શિપનો બરસા યુનિવર્સીટીએ પણ ઉપયોગ કર્યો હતો. access_time 7:18 am IST

  • મ.પ્રદેશ-મહારાષ્‍ટ્ર સહિત દેશના પોણો ડઝન રાજ્‍યોમાં માથુ ફાડતી ગરમી : ખજુરાહોમાં ૪૭.૨ ડીગ્રી રાજસ્‍થાનમાં ૪૮ ડીગ્રી : ૪૪-૪૫ ડીગ્રી આસપાસ ઠેર ઠેર ગરમીઃ અડધો ડઝન રાજ્‍યોમાં ‘લૂ' એલર્ટ જાહેરઃ મ.પ્ર.ના ૧૬ શહેરોમાં અને ગુજરાતના ૮ શહેરોમાં ઉ.માન ૪૫ ડીગ્રી અને તેથી વધુ મ.પ્ર.ના ખજુરાહોમાં ૪૭.૨ ડીગ્રીઃ રાજસ્‍થાનના બુંદી, ઝાલાવાડ, બારા ખાતે ૪૮ ડીગ્રી access_time 4:52 pm IST