Gujarati News

Gujarati News

News of Monday, 28th May 2018

સફળ રહેલા વિદ્યાર્થીને અપાયેલી શુભેચ્છાઓ : સ્કીલ્ડ ડેવલપ કરવાનુું સૂચન

અમદાવાદ,તા.૨૮: બ્રહ્મર્ષિ સ્વાસ્થ્ય અને શિક્ષણ સંસ્થાને ધો.૧૦ની જાહેર પરીક્ષામાં બેસનારા ૩૯૦૨૪૦ છાત્રો પૈકી ઉતીર્ણ થનાર ૫૩૩૪૧૪ છાત્રોને સફળ થવા બદલ અભિનંદન આપી ઉજ્જવળ કારકિર્દીની શુભેચ્છા પાઠવી હતી. જે વિદ્યાર્થીઓ આ જાહેર પરીક્ષામાં અસફળ રહ્યા છે તેમને પુનઃ કમર કસવા અપીલ કરી જીવનની યાત્રામાં આ અંતિમ પરીક્ષા નથી તે સંદેશને ધ્યાનમાં લેવા અનુરોધ કર્યો છે. બ્રહ્મર્ષિ સંસ્થાના ઉપાધ્યક્ષ અને સ્કૂલ બોર્ડના પૂર્વ ચેરમેન ડૉ. જગદીશ ભાવસારે છાત્રોને ધો.૧૦માં પાસ થયા બાદ, સફળ થયાં બાદ રોજગાર સર્જન કરી શકાય તેવાં અભ્યસક્રમો તરફ પણ લક્ષ્ય કેન્દ્રીત કરવાનો અભિગમ કેળવવાની દિશા પકડવા અપીલ કરી છે. ધો. ૧૦ બાદ માત્ર સ્નાતક થવાના અભિગમને બદલે સ્કિલ્ડ ડેવલપ થાય તેવાં અભ્યાસક્રમોમાં ઉજ્જવળ તકો પડેલી છે. તેનો લાભ લેવાની દ્રષ્ટિ કેળવવા અનુરોધ કર્યો છે. ધો.૧૦માં સફળ થનાર છાત્રોને કેળવણીકાર રશિકભાઈ રાવલ, ડૉ. બીબી જાની, શ્રેષ્ઠ શિક્ષક બાબુભાઈ ચાવડાએ શુભેચ્છા પાઠવી છે.

(9:55 pm IST)
  • રાજકોટમાં તાપ સાથે લૂ :શહેરમાં આકરો તાપ વરસી રહ્યો છે, બપોરે ૨:૩૦ વાગ્યે ૪૧.૨ ડિગ્રી : ૨૨ કિ.મી.ની ઝડપે ગરમ લૂ ફૂંકાઈ રહી છે : જાહેર માર્ગો સૂમસામ access_time 4:01 pm IST

  • ઇરાકના તાનાશાહ સદ્દામ હુસૈન માટે તૈયાર કરાયેલ શાનદાર શિપને હવે હોટલ બનાવવા તૈયારી થઇ રહી છે 82 મીટર લાંબી આ શિપને 1981માં બનાવાઈ હતી,કિંગ સાઈઝ બેડ,મખમલના પડદા,સોનાથી સજાવેલા બાથરૂમ શીપમાં છે બરસા બ્રિજ નામથી આ શિપને હવે ઈરાકી સરકાર હોટલમાં રૂપાંતરિત કરવા વિચારણા કરી રહી છે બે વર્ષ સુધી આ શિપનો બરસા યુનિવર્સીટીએ પણ ઉપયોગ કર્યો હતો. access_time 7:18 am IST

  • ગુજરાત બોર્ડ દ્વારા ધો. 10નું પરિણામ સવારે 5 વાગ્યે બોર્ડની વેબસાઈટ www.gseb.org તથા www.gipl.net પર જાહેર કરાયું : બોર્ડ દ્વારા સવારે વેબસાઈટ પર પરિણામ જાહેર કરાયા બાદ માર્કશીટ પણ સોમવારે જ આપી દેવાનું આયોજન : ધો.10ની માર્કશીટનું વિતરણ જિલ્લાના વિતરણ સ્થળોએ સવારના 11 વાગ્યાથી બપોરના 2 વાગ્યા સુધી કરવામાં આવશે : જે-તે સ્કૂલોએ વિતરણ સ્થળોએથી માર્કશીટ મેળવી લઈ વિદ્યાર્થીઓને આપવાની રહેશે. access_time 8:19 am IST