Gujarati News

Gujarati News

News of Monday, 28th May 2018

શત્રુડા-વાંટા રોડ પર બાઇકને ટક્કરે રાહદારી મહિલા ઈજાગ્રસ્ત

મહેમદાવાદ:તાલુકાના શત્રૂંડા-વાંટા નગરરોડ ઉપર ગત રાત્રે રાહદારી મહિલાને બાઈકે ટક્કર મારતા ઈજા થઈ હતી. આ અકસ્માત સર્જી બાઈક ચાલક નાસી ગયો હતો.

પોલીસ સૂત્રોમાંથી મળેલ વિગત મુજબ મહેમદાવાદ તાલુકાના શત્રુંડામાં રહેતા લ-મીબેન ગોતાભાઈ ડાભી ગત તા. ૨૫-૫-૧૮ની રાત્રે શત્રુંડા વાંટા નગર રોડ ઉપર સાઈડ ઉપર ચાલતા જતા હતા ત્યારે પૂરઝડપે પસાર થતા મોટરસાયકલ નં. જીજે ૦૭ બીએલ ૧૫૪૮એ ટક્કર મારતા લ-મીબેન ડાભીને રોડ ઉપર ફંગોળાઈ જતા માથામાં ઈજા થઈ હતી. આ અકસ્માત સર્જી બાઈક ચાલક નાસી ગયો હતો. આ બનાવ અંગે નટુભાઈ ગોતાભાઈ ડાભીની ફરિયાદ આધારે મહેમદાવાદ પોલીસે ગુનો નોંધી કાયદેસર કાર્યવાહી હાથ ધરી છે.
આ ઉપરાંત નડિયાદ મંજીપુરા ચોકડી નજીક આજે બપોરે ટેન્કર નં. જીજે ૧ યુયુ ૯૯૩૨ અને ગાડી નં. જીજે ૨૩ બીડી ૦૯૩૨ વચ્ચે અકસ્માત સર્જાયો હતો. આ અકસ્માત સર્જાતા બે જણાને ઈજા થઈ હતી. આ ઈજા ગ્રસ્તોને એમ્બ્યુલન્સમાં સારવાર માટે નડિયાદ સિવિલ હોસ્પિટલમાં લઈ જતા હતા ત્યારે એમ્બ્યુલન્સને બાલકનજીબારી પાસે અકસ્માત સર્જાતા ઈજાગ્રસ્તોને બીજી એમ્બ્યુલન્સ મારફતે હોસ્પિટલમાં લઈ જવામાં આવ્યા હતાં. જોકે આ બનાવ અંગે નડિયાદ ટાઉન પોલીસમાં કોઈ ફરિયાદ નોંધાઈ નથી.

(5:06 pm IST)
  • મોટી રકમ પહોંચાડવાના આક્ષેપ કૈરાના પેટાચુંટણીઃ આઝમખાને બીજેપી પર લગાવ્‍યો મુસ્‍લિમ મત ખરીદવાનો આરોપ access_time 4:59 pm IST

  • ભાજપના સાંસદ શત્રુઘ્નસિંહાએ મોદી સરકારના ચાર વર્ષ પુરા થવા પ્રસંગે પાર્ટીને નિશાને લીધી :શોટગને કહ્યું કે છેલ્લા ચાર વર્ષમાં ભાજપની ઉપલબ્ધી રહી છે માત્ર વાયદા વાયદા અને વધુ વાયદા કરવા : શત્રુઘ્ને ટ્વીટર પર લખ્યું કે મને એવો સવાલ પુછાઈ રહ્યો કછે કે મોદી સરકારની ચાર વર્ષની ઉપલબ્ધી શું છ? તો મારો જવાબ છે કે કામ નહીં પરંતુ માત્ર વાયદો કરવો : શત્રુઘ્નસિંહાએ કહ્યું કે તેની પાર્ટી વાયદા અને વાયદા અને માત્ર વાયદા કરવામાં સૌથી અવ્વલ નંબરની પાર્ટી બની છે. access_time 7:15 am IST

  • કેન્દ્ર સરકાર વિરુદ્ધ આમ આદમી પાર્ટી યુપીમાં પદયાત્રા કરશે :25 જૂનથી 8 જુલાઈ સુધી વારાણસીથી બલિયા વચ્ચે પદયાત્રા કરાશે : મોદી સરકારના ચાર વર્ષ પુરા થતા ભાજપ દ્વારા થતી ઉજવણી પર સવાલ ઉઠાવતા આપના સાંસદ સંજયસિંહ : લખનઉમાં પાર્ટી પદાધિકારી સાથે બેઠક યોજાઈ access_time 7:15 am IST