Gujarati News

Gujarati News

News of Monday, 28th May 2018

ખંભાતમાં હારજીતનો જુગાર રમતા 5 નબીરાઓની 30 હજારના મુદામાલ સાથે ધરપકડ

ખંભાત:શહેર પોલીસે ગઈકાલે મધ્યરાત્રીના સુમારે ખંભાતના ખારીવાડી પરામાં છાપો મારીને પાંચ શખ્સોને પત્તા પાનાનો હારજીતનો જુગાર રમતાં ઝડપી પાડીને મોબાઈલ ફોન તથા રોકડ સાથે કુલ ૩૦ હજાર ઉપરાંતનો મુદ્દામાલ જપ્ત કરીને જુગાર ધારાની જુદી-જુદી કલમો હેઠળ ગુનો દાખલ કરીને કાર્યવાહી હાથ ઘરી છે.
મળતી વિગતો અનુસાર નાઈટ પેટ્રોલીંગમાં નીકળેલી ખંભાત પોલીસને હકિકત મળી હતી કે, ખારીવાડી પરામાં રહેતા જયેશભાઈ શંકરભાઈ પટેલના ઘર આગળ લાઈટના અજવાળે કેટલાક શખ્સો એકત્ર થઈ પત્તા પાનાનો હારજીતનો જુગાર રમી રહ્યા છે જેના આધારે પોલીસે છાપો મારતાં રઈશભાઈ જમીલભાઈ મન્સુરી, મયુરભાઈ ભાવીનભાઈ પટેલ, વનરાજભાઈ અતુલભાઈ પટેલ, રોશનભાઈ હરકીશનભાઈ પટેલ તથા જયેશભાઈ શંકરભાઈ પટેલ ઝડપાઈ જવા પામ્યા હતા. પોલીસે મોબાઈલ ફોનો તથા રોકડા થઈને કુલ ૩૦૦૯૦નો મુદ્દામાલ મળી આવતાં તે જપ્ત કર્યો હતો.
 

(5:05 pm IST)
  • પ્રચંડ હીટ વેવની ઝપટમાં દિલ્હી અને એનસીઆર: પાલમ ખાતે ૪૬ પોઈન્ટ ૨ ડિગ્રી અને સફદરજંગ ખાતે ૪૫ ડિગ્રી જેવું ચામડી બાળતુ ઉષ્ણતામાન નોંધાયું: હજી બે દિવસ સુધી ચાલુ રહેશે તેમ ખાનગી વેધર કમ્પનીએ જણાવ્યું છે. access_time 10:18 pm IST

  • તાપમાનનો પારો સતત ઉંચો : બફારો વધ્યો : રાજકોટ સહિત સૌરાષ્ટ્ર-કચ્છમાં ધોમધખતા તાપથી જનજીવન અસ્તવ્યસ્ત access_time 4:01 pm IST

  • ગુજરાત બોર્ડ દ્વારા ધો. 10નું પરિણામ સવારે 5 વાગ્યે બોર્ડની વેબસાઈટ www.gseb.org તથા www.gipl.net પર જાહેર કરાયું : બોર્ડ દ્વારા સવારે વેબસાઈટ પર પરિણામ જાહેર કરાયા બાદ માર્કશીટ પણ સોમવારે જ આપી દેવાનું આયોજન : ધો.10ની માર્કશીટનું વિતરણ જિલ્લાના વિતરણ સ્થળોએ સવારના 11 વાગ્યાથી બપોરના 2 વાગ્યા સુધી કરવામાં આવશે : જે-તે સ્કૂલોએ વિતરણ સ્થળોએથી માર્કશીટ મેળવી લઈ વિદ્યાર્થીઓને આપવાની રહેશે. access_time 8:19 am IST