Gujarati News

Gujarati News

News of Monday, 28th May 2018

પર્જન્ય યજ્ઞ માંડી વાળ્યા, સરકારના ઇરાદાની 'આહુતિ'

જળ અભિયાનની પૂર્ણાહુતિ નિમિત્તે હવે માત્ર કળશ પૂજનઃ ધંધુકામાં ૩૧મીએ જાહેર સમારંભ સાથેનું મુખ્ય આયોજન

રાજકોટ, તા.૨૮: રાજય સરકારે તળાવો ઉંડા ઉતારવાના સુજલામ સુફલામ જળ અભિયાનની પૂર્ણાહુતિ નિમિત્તે કરવા ધારેલા પર્જન્ય યજ્ઞનું આયોજન માંડી વાળવાનુ અને હવે માત્ર કળશ પૂજન થનાર હોવાનું જાણવા મળે છે. મુખ્યમંત્રી શ્રી વિજય રૃપાણીની હાજરીમાં રાજય કક્ષાનો કાર્યક્રમ ધંધુકામાં યોજાયો. મુખ્યમંત્રી ત્યાં સભા સંબોધશે પૂજન માટે કળશની નિયત સાઇઝની સૂચના જીલ્લા વહીવટી તંત્રને અપાયેલ છે. જળસંચય અભિયાન હેઠળ તળાવો ઊંડા કરવાની ઝુંબેશ પૂર્ણતાના આરે છે અને ૩૧મી મે ના રોજ તમામ જીલ્લામાં સમાપન સમારોહ યોજવાની છે. આ દિવસે સારા વરસાદ માટે પર્જન્ય યજ્ઞની ભાજપ સરકારે તૈયારીઓ કરી હતી પરંતુ સરકારે તૈયારીઓ કરી હતી પરંતુ સરકાર અંધશ્રદ્વામાં વિશ્વાસ રાખતી હોવાની ટકોર સાથે ચારેકોર ટીકાનો મારો સહન કરવાનો વારો આવતાં હવે સરકાર યજ્ઞને બદલે નર્મદા જળ કળશની પૂજા કરશે. ત્યારબાદ પ્રસાદી તરીકે ફરસાણ, ફુલવડી, ગાંઠિયા અને લાડુનું વિતરણ કરશે. મુખ્યમંત્રી રૃપાણીએ કરાયા વાપી ખાતે રવિવારે શ્રમદાન કર્યું હતું. આ પ્રસંગે તેમણે કહ્યું કે, ભારતમાં આ સૌથી મોટું જળસંચય અભિયાન છે.

 

(4:19 pm IST)
  • ભૂકંપની અફવાથી બિહારના રેલવે સ્ટેશને ભાગદોડમાં 56 લોકો ઘાયલ :બિહારના નાલંદાના બિહારશરીફ રેલવે સ્ટેશને એક વિદ્યાર્થીએ ભૂકંપની અફવા ફેલાવતા ભાગદોડ મચી :સ્ટેશન પર આઈટીઆઈ પરીક્ષામાં સામેલ થવા અલગ અલગ જિલ્લામાંથી વિદ્યાર્થીઓ મોટી સંખ્યામાં રેલવે સ્તએહ્સને હતા ત્યારે મોડીરાત્રે 2 વાગ્યે કેટલાક અવાજો આવતા સુતેલા છાત્રોને ભૂકંપ ભૂકંપ એવું જોરશોરથી કહેતા લોકો ભાગવા લાગ્યા હતા. access_time 11:45 pm IST

  • પેટ્રોલ-ડીઝલ બાદ દિલ્હી-એનસીઆરમાં સીએનજીના ભાવમાં વધારો :દિલ્હીમાં હવે સીએનજી 1,36 રૂપિયા અને એનસીઆરમાં 1,55 રૂપિયા પ્રતિ કિલો મોંઘુ થયું :ઇન્દ્રપ્રસ્થ ગેસ લિમિટેડે સીએનજીના ભાવમાં કર્યો વધારો ;ભાવ વધારો આજ મધરાતથી લાગુ :સીએનજીનો હવે દિલ્હીમાં ભાવ 41,97 રૂપિયા પ્રતિ કિલો અને નોઈડા,ગાજિયાબાદમાં 48,60 રૂપિયા થશે access_time 11:32 pm IST

  • વરિષ્ઠ અધિકારી સુશીલ ચંદ્રનનો સીબીડીટીના ચેરમેનનો કાર્યકાળ એક વર્ષ વધારી દેવાયો છે તેઓ હવે આવતા વર્ષનાં મે મહિના સુધી પોતાના પદ પર રહેશે. અત્રે ઉલ્લેખનીય છે કે, 1 નવેમ્બર 2016 ના સીબીડીટીના અધ્યક્ષ પદે તેમની વરણી કરવામાં આવી હતી.ત્યાર બાદથી તેમને આ બીજુ એક્સટેંશન અપાયું છે સીબીડીટીનાંચેરમેન પદે રહીને તેઓએ ઘણા ઉલ્લેખીય કામો કર્યા હોવાથી તેઓ સરકારની ગુડબુકમાં છે. આઈઆઈટીમાં સ્નાતક અને 1980 બેંચના આઈઆરએસ ઓફીસર ચંદ્રનનો કાર્યકાળ ગત વર્ષે પણ વધારવામાં આવ્યો હતો. access_time 7:18 am IST