Gujarati News

Gujarati News

News of Monday, 28th May 2018

હોમગાર્ડ - ટીઆરબી જવાનોએ લઘરવઘર રહેવું નહિ

નેમપ્લેટ - સ્વચ્છ યુનિફોર્મ ફરજીયાત વાહન ચાલકોને રોકવાન નહિઃ દસ્તાવેજો ચેક કરવા નહિ

અમદાવાદ તા. ૨૮ : ટ્રાફિકનું નિયમન કરતા ટીઆરબી અને ટ્રાફિક હોમગાર્ડએ નેમપ્લેટ, સ્વચ્છ યુનિફોર્મ પહેરવા અને વાહન ચાલકોને ન રોકવા તેમજ દસ્તાવેજ ચેક ન કરવા ટ્રાફિક શાખાના સંયુકત પોલીસ કમિશ્નરે પરિપત્ર બહાર પાડયો છે.

ટ્રાફિક પોઇન્ટ પર ફરજ બજાવતા ટીઆરબી જવાનો અને હોમગાર્ડ નેમપ્લેટ લગાવતા નથી અને લઘર-વઘર કપડાઓમાં પોતાની ફરજ પર હાજર હોય છે તેમજ વાહન ચાલકોને રોકીને દંડ વસૂલે છે. આ તમામ બાબતો ટ્રાફિક શાખાના સંયુકત પોલીસ કમિશ્નરને નજરે પડતા તેમણે એક પરિપત્ર જાહેર કર્યો છે.

જો કોઇપણ ટીઆરબી જવાન કે હોમગાર્ડ પરિપત્રનો ભંગ કરશે. તો તેના સામે કડક કાર્યવાહી કરવામાં આવશે.

(4:05 pm IST)
  • વરિષ્ઠ અધિકારી સુશીલ ચંદ્રનનો સીબીડીટીના ચેરમેનનો કાર્યકાળ એક વર્ષ વધારી દેવાયો છે તેઓ હવે આવતા વર્ષનાં મે મહિના સુધી પોતાના પદ પર રહેશે. અત્રે ઉલ્લેખનીય છે કે, 1 નવેમ્બર 2016 ના સીબીડીટીના અધ્યક્ષ પદે તેમની વરણી કરવામાં આવી હતી.ત્યાર બાદથી તેમને આ બીજુ એક્સટેંશન અપાયું છે સીબીડીટીનાંચેરમેન પદે રહીને તેઓએ ઘણા ઉલ્લેખીય કામો કર્યા હોવાથી તેઓ સરકારની ગુડબુકમાં છે. આઈઆઈટીમાં સ્નાતક અને 1980 બેંચના આઈઆરએસ ઓફીસર ચંદ્રનનો કાર્યકાળ ગત વર્ષે પણ વધારવામાં આવ્યો હતો. access_time 7:18 am IST

  • પ્રચંડ હીટ વેવની ઝપટમાં દિલ્હી અને એનસીઆર: પાલમ ખાતે ૪૬ પોઈન્ટ ૨ ડિગ્રી અને સફદરજંગ ખાતે ૪૫ ડિગ્રી જેવું ચામડી બાળતુ ઉષ્ણતામાન નોંધાયું: હજી બે દિવસ સુધી ચાલુ રહેશે તેમ ખાનગી વેધર કમ્પનીએ જણાવ્યું છે. access_time 10:18 pm IST

  • CBSE ધોરણ 10નું પરિણામ આજે બપોરે ૪ વાગ્યે થશે જાહેર : cbseresults.nic.in, cbse.nic.in અને results.nic.in વેબસાઈટ પર પરીણામ જોઈ શકાશે access_time 8:30 am IST