Gujarati News

Gujarati News

News of Monday, 28th May 2018

અમદાવાદના પાલડીમાં રોંગ સાઈડથી આવતી રીક્ષા સાથે અથડાતા બાઈક સવાર CAના વિદ્યાર્થીનું મોત

મૂળ જુનાગઢનો ચિરાગ આઠ વર્ષથી ફુવાના પરિવાર સાથે અમદાવાદ રહેતો હતો

અમદાવાદ : અમદાવાદના પાલડીમાં રોંગ સાઇડથી આવતી રીક્ષા સાથે અથડાતા બાઈક સવાર સીએના ફાઇનલ વર્ષના 24 વર્ષીય વિદ્યાર્થીનું કરૂણમોત નીપજ્યું હતુ

   પોલીસના જણાવ્યા મુજબ મણિનગરના રામબાગ વિસ્તારમાં રહેતા 64 વર્ષીય અક્ષય સોલંકીએ પોતાના સાળાના 24 વર્ષીય દીકરા ચિરાગ રાઠોડના અવસાનની ફરિયાદ નોંધાવી હતી. ચિરાગ મૂળ જૂનાગઢનો રહેવાસી હતો, પરંતુ પાછલા આઠ વર્ષથી ભણવા માટે અક્ષય સોલંકીના પરિવાર સાથે અમદાવાદમાં રહેતો હતો.

   ઘટનાની તપાસ કરનાર પોલીસકર્મીએ જણાવ્યું કે, ચિરાગ સાંજે લગભગ 6 વાગ્યે પાલડી ચાર રસ્તાથી NID ચાર રસ્તા તરફ બાઈક પર જઈ રહ્યો હતો ત્યારે ઘટના બની હતી. પાલડી વિસ્તારમાં આવેલી રિવરફ્રંટ હોટલ પાસે રોંગ સાઈડથી આવતી રિક્ષાએ બાઈકને ટક્કર મારી હતી. અકસ્માત એટલો ગંભીર હતો કે ચિરાગ દૂર ફેંકાઈ ગયો હતો. તે સમયે ત્યાંથી એમ્બ્યુલન્સ પસાર થઈ રહી હતી અને ચિરાગ તેની સાથે પણ ટકરાયો, જેના કારણે તેને ગંભીર ઈજાઓ થઈ.

ચિરાગને વી.એસ.હોસ્પિટલમાં લઈ જવામાં આવ્યો હતો જ્યાં સારવાર દરમિયાન તેણે જીવ ગુમાવ્યો. પોલીસના જણાવ્યા અનુસાર રીક્ષાચાલકની શોધખોળ શરુ થઈ ગઈ છે. CCTV ફૂટેજની મદદથી પોલીસે તાસ શરુ કરી દીધી છે.

    સિવાય પાલડીમાં થયેલા અન્ય એક અકસ્માતમાં એક વ્યક્તિએ પોતાનો જમણો પગ ગુમાવ્યો અને ડાબા પગમાં પણ ગંભીર ઈજાઓ થઈ. ભાવનગરમાં રહેતા દેવિસિંહ રાઠોડની ફરિયાદ અનુસાર, તેમનો 23 વર્ષીય ભાઈ હિંમતસિંહ ભાવનગરના એક પ્રાઈવેટ બસ ઓપરેટર સાથે ક્લીનર તરીકે કામ કરે છે. હિંમતસિંહ પાલડી ખાતે આવેલા AMTS બસ સ્ટેન્ડમાં બસને પાર્કિંગ માટે ગાઈડ કરી રહ્યો હતો ત્યારે એકાએક સ્લિપ થઈ જતા વ્હીલ નીચે આવી ગયો હતો.

(1:37 pm IST)
  • તાપમાનનો પારો સતત ઉંચો : બફારો વધ્યો : રાજકોટ સહિત સૌરાષ્ટ્ર-કચ્છમાં ધોમધખતા તાપથી જનજીવન અસ્તવ્યસ્ત access_time 4:01 pm IST

  • ભારતીય વાયુસેના માટે રશિયા પાસેથી એસ-400 ટ્રિમફ વાયુરક્ષા મિસાઈલ ખરીદવા માટે કિંમત બાબતે વાતચીત પૂર્ણ :સોદો અંદાજે 40,000 કરોડમાં નક્કી થયાના અહેવાલ :હવે બન્ને દેશો અમેરિકાના કાનૂનના પ્રાવધાનોથી બચવાના તરીકા શોધી રહ્યાં છે :આ સોદાની જાહેરાત વડાપ્રધાન નરેન્દ્રભાઈ મોદી અને રશિયાના રાષ્ટ્રપતિ પુતિન વચ્ચે ઓક્ટોબરમાં થનાર વાર્ષિક શિખર સંમેલનમાં થવાની શકયતા છે . access_time 11:32 pm IST

  • સરકારી બંગલો ખાલી કરવાના આદેશ વિરૂદ્ધ મુલાયમ પણ સુપ્રિમ કોર્ટમાં : અખિલેશ યાદવે પણ કરી'તી અપીલ access_time 4:59 pm IST