News of Monday, 28th May 2018

ગંદા પાણીને ચોખ્‍ખુ કરી ફરી ઉપયોગ, સરકારની નવી રીસાઇકલીંગ પોલીસી

વડોદરા, તા.૨૮: વડોદરાના છાણી ખાતેના જળસંચય કાર્યક્રમમાં મુખ્‍યમંત્રી વિજય રૂપાણીએ જણાવ્‍યું હતું કે, ‘ડ્રેનેજના પાણી પર પ્રોસેસ કરીને વડોદરા મ્‍યુનિ.કોર્પોરેશન તે પાણીને બીજા ઉપયોગમાં લઇ રહ્યું છે. જે બદલ હું વડોદરાને અભિનંદન આપું છું. એટલુ નહીં, રાજયમાં જળસંચય-જળસંગ્રહની ક્ષમતા વધારવા માટે રાજય સરકાર પણ સોમવારે રાજય માટે વોટર રીસાઇકલીંગ પોલિસી બહાર પાડશે. જેના દ્વારા ગટરના ગંદા પાણીને શુદ્વ કરીને ખેતી, ઉદ્યોગો અને બાંધકામ ક્ષેત્રે ઉપયોગમાં લેવાશે.'

વિજય રૂપાણીએ ઉમેર્યુ હતું કે, દરિયાના ખારા પાણીને મીઠું કરવા માટે ઇઝરાયલની જેમ ગુજરાતમાં પણ જોડીયા ખાતે રૂ.૭૦૦ કરોડના ખર્ચે ડીસેલીનેશન પ્‍લોટ નિર્માણ થતાં રોજનુ ૧૦ કરોડ લિટર પીવાનુ શુધ્‍ધ પાણી મળશે. આગામી સમયમાં ભરૂચના દહેજ તેમજ કચ્‍છમાં દરિયાનું ખારૂ પાણી મીઠુ કરવા ડી સેલીનેશન પ્‍લાન્‍ટ સ્‍થાપવામાં આવશે. સુજલામ સુફલામ જળઅભિયાન જન સહયોગથી ભારતનુ સૌથી મોટુ જળઅભિયાન બન્‍યુ છે. જેનુ સમગ્ર રાષ્‍ટ્રમાં ગુજરાત નેતૃત્‍વ લઇ દેશને નવી દિશા ચીંધી છે. સુજલામ સુફલામ જળ અભિયાન હેઠળ સમગ્ર રાજયમાં ૧૩ હજાર તળાવો ઊંડા કરવા. પપ૦૦ કિમી.કેનાલોની સફાઇ તેમજ ભૂતકાળ બની ગયેલ રાજયની ૩૨ નદીઓને પુનઃજીવીત કરવામાં આવી રહી છે. અભિયાનની શરૂઆતમાં પપ૭ જેસીબી હતા, હાલમાં ૪૬૦૦ જેસીબી કામે લાગ્‍યા છે.

 

 

(11:46 am IST)
  • તામિલનાડુના તુતીકોરીન જિલ્લામાં વિરોધ પ્રદર્શનમાં હિંસા ભડકતા લગાવેલ કલમ 144 હટાવાઈ :વેદાંતા ગ્રુપની કંપની સ્ટરલાઇનના કોપર યુનિટના વિરોધમાં હિંસા થતા વહીવટી તંત્રે 21મીએ કલમ 144 લાગુ કરી હતી :પોલીસ ગોળીબારમાં 13 લોકોના મોત થયા હતા. access_time 7:16 am IST

  • ભારતીય વાયુસેના માટે રશિયા પાસેથી એસ-400 ટ્રિમફ વાયુરક્ષા મિસાઈલ ખરીદવા માટે કિંમત બાબતે વાતચીત પૂર્ણ :સોદો અંદાજે 40,000 કરોડમાં નક્કી થયાના અહેવાલ :હવે બન્ને દેશો અમેરિકાના કાનૂનના પ્રાવધાનોથી બચવાના તરીકા શોધી રહ્યાં છે :આ સોદાની જાહેરાત વડાપ્રધાન નરેન્દ્રભાઈ મોદી અને રશિયાના રાષ્ટ્રપતિ પુતિન વચ્ચે ઓક્ટોબરમાં થનાર વાર્ષિક શિખર સંમેલનમાં થવાની શકયતા છે . access_time 11:32 pm IST

  • ભૂકંપની અફવાથી બિહારના રેલવે સ્ટેશને ભાગદોડમાં 56 લોકો ઘાયલ :બિહારના નાલંદાના બિહારશરીફ રેલવે સ્ટેશને એક વિદ્યાર્થીએ ભૂકંપની અફવા ફેલાવતા ભાગદોડ મચી :સ્ટેશન પર આઈટીઆઈ પરીક્ષામાં સામેલ થવા અલગ અલગ જિલ્લામાંથી વિદ્યાર્થીઓ મોટી સંખ્યામાં રેલવે સ્તએહ્સને હતા ત્યારે મોડીરાત્રે 2 વાગ્યે કેટલાક અવાજો આવતા સુતેલા છાત્રોને ભૂકંપ ભૂકંપ એવું જોરશોરથી કહેતા લોકો ભાગવા લાગ્યા હતા. access_time 11:45 pm IST