Gujarati News

Gujarati News

News of Monday, 28th May 2018

ભરૂચમાં રમઝાન માસમાં એકતાનું અનોખું ઉદાહરણ : ઝુબેરે પુત્ર ગુમાવ્યો પણ હિન્દૂ બાળકનો જીવ બચાવ્યો

ઝુબેરના પુત્રનું અકસ્માતમાં મોત પણ બાઇકમાં લિફ્ટ લઈને બેઠેલા 12 વર્ષના બાળકનો જીવ બચાવવા તબીબી ખર્ચ પણ ઉઠાવ્યો

ભરૂચ: ભરૂચમાં રમઝાન માસમાં અનોખી એકતાનું ઉદાહરણ મળ્યું છે ભરૂચના એક મુસ્લિમ પરિવારે અકસ્માતમાં પોતાનો દિકરો ગુમાવ્યો હતો પરંતુ  બાળકનો જીવ બચાવી લીધો. બે ત્રણ દિવસ પહેલા જંબુસર બાયપાસ પાસે 34 વર્ષના ઝુબેરનું અકસ્માત થયું. ઝુબેરનું ઘટનાસ્થળે જ તેનું મોત થયું હતું. જો કે તેની પાછળ બેઠેલા એક 12 વર્ષનો બાળક ગંભીર રીતે ઘાયલ થયો હતો. ઝુબેરનો પરિવાર દિકરાના મોતથી ખુબ દુ:ખી હતો ત્યારે બીજી તરફ દિકરાની બાઇક પાછળ બેઠેલા બાળકનો જીવ પણ તેમણે કોઈ પણ ભોગે બચાવવો હતો.

   સૌથી મહત્વની વાત એ છે કે ઝૂબેરની બાઈક પાછળ જે બાળક બેઠો હતો તે તેમના પરિવારનો ન હતો. આ બાળકનું નામ રાજેશ છે, અને ઝુબેરે રસ્તામાં તેને લિફ્ટ આપી હતી. 12 વર્ષના આ બાળક રાજેશને  જો કે તેને લિફ્ટ આપ્યા બાદ બન્નેનો અકસ્માત થયો. ઝુબેર રાજેશને તેની જગ્યાએ તો છોડી ન શક્યો પણ આ દુનિયા છોડીને જતો રહ્યો. અકસ્માતમાં રાજેશ ગંભીર રીતે ઘાયલ થયો હતો. ઝૂબેરના પરિવારે નક્કી કરી નાખ્યું કે દિકરો તો ન બચ્યો પરંતુ આ બાળકને કોઈ પણ ભોગે બચાવવો જ છે.

   રમજાન મહિનો હોવા છતાં રોજા રાખ્યા હોવા છતાં આ મુસ્લિમ પરિવારે ખડે પગે ઊભા રહીને હિન્દૂ બાળકની તમામ સારવારનો ખર્ચ ઉઠાવ્યો  અને ખાનગી હોસ્પિટલમાં તેના ત્રણ ઓપરેશન કરાવી તેનો જીવ બચાવ્યો. તેમજ હવે પછી આ અનાથ બાળકને પગભર કરવા અને આગળનો બધો ખર્ચ ઉપાડવા પણ તૈયારી દર્શાવી છે. લોકો કહી રહ્યાં છે કે આ મુસ્લિમ પરિવારે તો ખરા અર્થમાં ખુદાની બંદગી કરી છે

(8:45 pm IST)
  • ૧લી જૂને વિશ્વની શ્રેષ્ઠતમ હવામાન આગાહી સિસ્ટમ્સ ખુલ્લી મૂકાશેઃ અતિ ખરાબ હવામાન (સિવીયર વેધર) સહિતની આગાહીઓ સચોટ કરી શકાશે : ૨૪-૪૮ કલાકમાં હવે કેરળના કાંઠે ચોમાસુ બેસી જશે : ૪૮ કલાકમાં કેરળ અને લક્ષદ્વીપમાં ધોધમાર - ભારે વરસાદની આગાહી access_time 10:33 am IST

  • પ્રચંડ હીટ વેવની ઝપટમાં દિલ્હી અને એનસીઆર: પાલમ ખાતે ૪૬ પોઈન્ટ ૨ ડિગ્રી અને સફદરજંગ ખાતે ૪૫ ડિગ્રી જેવું ચામડી બાળતુ ઉષ્ણતામાન નોંધાયું: હજી બે દિવસ સુધી ચાલુ રહેશે તેમ ખાનગી વેધર કમ્પનીએ જણાવ્યું છે. access_time 10:18 pm IST

  • ઉત્તર કોરિયાના શાસક કિમ જોંગ ઉને એકવાર ફરી દક્ષિણ કોરિયાના રાષ્ટ્રપતિ મૂન જે-ઈન સાથે સરહદના ગામમાં મુલાકાત કરીને શાંતિવાર્તાની પહેલ કરી : બંને વચ્ચે આ બીજી મુલાકાત છે : પહેલી ઐતિહાસિક મુલાકાતમાં કિમ જોંગ ઉનએ અમેરિકા સાથે વાતચીત કરવા અને પોતાના ન્યુક્લિયર પ્રોગ્રામને નષ્ટ કરવાનો વાયદો કર્યો હતો. access_time 11:45 pm IST