Gujarati News

Gujarati News

News of Sunday, 28th February 2021

રાજપીપળાના ચાલવા નીકળેલા વ્યક્તિને અજાણ્યા વાહને ટક્કર મારતા ઇજા બાદ સારવાર દરમિયાન મોત

(ભરત શાહ દ્વારા) રાજપીપળા : રાજપીપળા ટેકરા ફળિયાથી ચાલવા નીકળેલા એક વ્યક્તિને વડિયા જકાત નાકા પાસે કોઈ અજણ્યો વાહન ચાલક ટક્કર મારતા તેમનું સારવાર દરમિયાન મોત નીપજ્યું હતું.
ટેકરા ફળીયા ખાતે રહેતા ઈશ્વરભાઈ ખોદભાઈ ભોઈ ની ફરિયાદ મુજબ તેમના ફળિયાના રમેશભાઈ બાબુભાઇ ભોઈ (ઉ.વ.45) ઘરેથી સાંજના સમયે ચાલવા નીકળ્યા હતા જેઓ વડિયા જકાતનાકા પાસે પહોંચતા કોઈ અજાણ્યો વાહન ચાલક ટક્કર મારી જતો રહેતાં તેમને ગંભીર ઇજાઓ થતા રાજપીપળા સિવિલમાં પ્રાથમિક સારવાર બાદ વડોદરા એસએસજી માં ખસેડાયા હતા જ્યાં આજરોજ સારવાર દરમિયાન તેમનું મોત થતા રાજપીપળા પોલીસે ગુનો નોંધી તપાસ હાથ ધરી છે.

(10:21 pm IST)
  • પશ્ચિમ બંગાળમાં કોલસા કૌભાંડમાં મોટો ખુલાસો : ખાનગી જમીનમાંથી કાઢીને વેચી નાખ્યો કોલસો : સીબીઆઈએ પત્ર લખીને કાર્યવાહીની કરી માંગ : કૈટલ સ્મગલિંગ અને કોલસા સ્મગલિંગમાં કેટલાક ચાર્ટડ એકાઉન્ટન્ટની મદદથી શેલ કંપનીઓ બનાવાઈ : લાંચની રકમનું મની લોન્ડરિંગ કરવા સાથે મોટા પાયે બેનામી સંપત્તિની ખરીદી access_time 12:52 am IST

  • છેલ્લા ૨૪ કલાકમાં અમેરિકામાં કોરોના કેસમાં પ્રથમ વખત ઘટાડો નોંધાયો અને ૬૧,૦૦૦ નવા નોંધાયા કેસ થયા છે : ભારતમાં આજે પણ ૧૬ હજારથી વધુ નવા કોરોના કેસ નોંધાયા છે, ૧૧૩ નવા મૃત્યુ થયા છે, જ્યારે ૧૧ હજારથી વધુ લોકો સાજા થયા છે: વિશ્વના અન્ય દેશોમાં બ્રાઝિલમાં ૫૯ હજાર, ફ્રાન્સમાં ૨૩ હજાર, ઇટાલીમાં ૧૮ હજાર, રશિયામાં ૧૧ હજાર, ઇંગ્લેન્ડમાં ૭ હજાર, જર્મનીમાં ૭ હજાર, અને યુનાઈટેડ આરબ અમીરાતમાં ૩૪૩૪ કોરોના કેસ નોંધાયા છે : સૌથી ઓછા ઓસ્ટ્રેલિયામાં સાત અને ચીનમાં દસ નવા કેસ કોરોનાના બહાર આવ્યા છે. access_time 12:30 pm IST

  • કચ્છ: રાજ્યમંત્રી વાસણભાઇ આહિરે પોતાના ગામ રતનાલ (અંજાર) મધ્યે કર્યું મતદાન, કચ્છના અંતરિયાળ ગ્રામીણ વિસ્તારોમાં મતદારોમાં મતદાન માટે ઉત્સાહ, શહેરી વિસ્તારમાં મતદારો નિરુત્સાહ access_time 2:50 pm IST