Gujarati News

આણંદ:અમૂલ ડેરી સામેના સર્કલ ઉપરથી દૂધ ભરેલ ટેન્કરે બસને ટક્કર મારતા મહિલાને ઈજા. તેમજ રોડ ઉપરના સર્કલને નુકશાન થવા પામ્યું હતું. જેને પગલે માર્ગ ઉપર ટ્રાફિકજામ સર્જાયો હતો. આ અંગે આણંદ શહેર પોલીસે ફરિયાદ નોંધી વધુ તપાસ હાથ ધરી છે.

મળતી વિગતો મુજબ આજે સાંજના પોણા છ વાગ્યાના સુમારે અમૂલ ડેરી માં દૂધની હેર ફેર કરતા ટેન્કર નં. જીજે-૫ વી-૯૩૫૭ ના ચાલકે ગફલતભરી ટેન્કર હંકારી હતી. જેના કારણે ડેરીના પ્રવેશ દ્રાર સામેના સર્કલને હડફેટે લીધો હતો. બરાબર એજ સમયે આણંદથી ઉમેટા તરફ જતી એસ.ટી. બસ નં. જીજે-૧૮ -૭૧૫૦ ને ટક્કર મારી હતી. જેથી બસમાં બેઠેલ એક મહિલાને માથાના ભાગે ઈજાઓ થવા પામી હતી. જેઓને સ્થળ ઉપર એમ્યુલન્સ વાનમાં સારવાર આપવામાં આવી હતી.

આ અંગે આણંદ એસ.ટી. બસના ચાલક જગદીશભાઈ નાનજીભાઈ વણકરે અમૂલ ડેરીના ટેન્કર ચાલક વિરુદ્ઘ ફરિયાદ નોંધાવતા આણેંદ ટાઉન પોલીસે વધુ તપાસ હાથ ધરી છે.