Gujarati News

Gujarati News

News of Friday, 27th November 2020

બનાસકાંઠાના ધરણોધર ગામે પૂજારીની હત્યા :બંને હાથ બાંધેલી હાલતમાં લાશ મળી : ગળાના ભાગે ગંભીર ઇજા

પુજારીની હત્યા કરાયેલ હાલતમાં લાશ મળી આવતા ચકચાર

બનાસકાંઠાના ધરણોધર ગામે પૂજારીની હત્યા કરી હોવાની ઘટના સામે આવી છે. જેમાં ગામના પૂજારીની ગળાના ભાગે ગંભીર ઇજા અને બંને હાથ બાંધેલી હાલતમાં લાશ મળી આવી છે જે મામલે ધાનેરા પોલીસે વધુ તપાસ હાથ ધરી છે.
ધાનેરા તાલુકાના ધરણોધર ગામે પૂજારીની શંકાસ્પદ હાલતમાં લાશ મળી આવતાં ચકચાર મચી જવા પામી છે. ધરણોદર ગામમાં આવેલ શંકર ભગવાનના મંદિરમાં 40 વર્ષીય રમેશભારથી ગોસ્વામી પૂજારી તરીકે સેવા આપતા હતા આજે બપોરના સમયે તેઓ રાબેતા મુજબ ઘરેથી મંદિરે જવા માટે નીકળ્યા હતા. પરંતુ, મોડી સાંજે ગામની સીમમાં તેમની લાશ મળી આવી હતી.
બનાવ અંગે જાણ થતાં જ તેમના પરિવારજનો, આજુબાજુના લોકો અને ધાનેરા પોલીસ ઘટનાસ્થળે પહોંચ્યા હતા. જ્યાં પૂજારી રમેશભારથી ગોસ્વામીને ગળાના ભાગે ગંભીર ઇજા તેમજ બંને હાથ પાછળના ભાગે બાંધી દીધેલી હાલતમાં લાશ મળી આવી હતી. પોલીસે ઘટના સ્થળનું પંચનામું કરી લાશને પી એમ અર્થે સિવિલ હોસ્પિટલમાં ખસેડી હતી. તેમજ પૂજારીની હત્યા મામલે વધુ તપાસ હાથ ધરી છે.

(11:20 pm IST)
  • દિલ્હીમાં હજારો ખેડૂતોને રાખવા માટે ૮ મોટા સ્ટેડીયમોમાં જેલ ઉભી કરાશે : હજારો ખેડૂતો દ્વારા દિલ્હી ચલો કૂચ આગળ વધી રહી છે ત્યારે કેજરીવાલની આપ સરકાર પાસે દિલ્હી પોલીસે ૮ મોટા સ્ટેડીયમોની માંગણી કરી છે : પોલીસ આ સ્ટેડીયમોનો ઉપયોગ કામચલાઉ જેલ તરીકે કરવા માગે છે access_time 12:51 pm IST

  • દેશમાં કોરોનાથી મૃત્યુઆંક 1.36 લાખને પાર પહોંચ્યો :એક્ટિવ કેસ ફરી વધ્યા : રાત્રે 11 વાગ્યા સુધીમાં કોરોનાના નવા 39,414 કેસ નોંધાયા:કુલ કેસનો આંકડો 93,49,285 થયો :એક્ટીવ કેસ 4, 53,436 થયા: વધુ 39,815 દર્દીઓ સ્વસ્થ થતા કુલ 87,57,524 રિકવર થયા :વધુ 438 લોકોના મોત સાથે કુલ મૃત્યુઆંક 1,36,190 થયો access_time 11:58 pm IST

  • મહારાષ્ટ્ર સરકારનો મહત્વનો નિર્ણય : 30 હજાર સેક્સ વર્કર્સને દર મહિને 5 હજાર રૂપિયા આપશે : ઉપરાંત જેમના બાળકો સ્કૂલમાં અભ્યાસ કરે છે તેમને દર મહિને અઢી હજાર રૂપિયા વધુ અપાશે : રાજ્યના 32 જિલ્લાની 30 હજાર મહિલા સેક્સ વર્કર્સને આર્થિક સહાય માટે 51 કરોડ રૂપિયા ખર્ચવાનું આયોજન : મહિલા તથા બાળવિકાસ મંત્રી યશોમતી ઠાકુરની ઘોષણાં access_time 11:43 am IST