Gujarati News

Gujarati News

News of Friday, 27th November 2020

ઉત્તર ભારતમાં હિમવર્ષાથી રાજ્યમાં ઠંડીનું મોજું ફરી વળ્યું

અનેક શહેરોમાં લઘુત્તમ તાપમાન ૧૬-૧૮ ડિગ્રી : અમદાવાદ શહેરમાં દિવસ-રાતના તાપમાનમાં ૩ ડિગ્રીનો તફાવત : ૧૪.૫ ડિગ્રી સાથે રાજકોટ રાજ્યમાં સૌથી ઠંડુ

અમદાવાદ, તા. ૨૭ : ઉત્તર ભારતમાં સતત વધી રહેલી ઠંડીની અસર વચ્ચે રાજ્યમાં પણ ઠંડીનો રંગ જામી રહ્યો છે. ગુરૂવારની સરખામણીએ શુક્રવારે રાજ્યના વિવિધ શહેરના લઘુત્તમ તાપમાનમાં સામાન્ય વધારો થયો હતો. જો કે, પવનની ગતી સામાન્ય કરતા વિશેષ રહેતા ઠંડીનો ચમકારો વર્તાયો હતો. શુક્રવારે પણ રાજ્યના મોટા ભાગના શહેરના લઘુત્તમ તાપમાન ૧૬થી ૧૮ ડિગ્રીની આસ-પાસ રહેતા લોકોએ મોડી રાત્રે અને વહેલી પરોઠે ઠંડીનો અહેસાસ કર્યો હતો.

કચ્છના નલિયા અને ઉત્તર ગુજરાતના કેટલાક ભાગોને બાદ કરતા રાજ્યના મોટા ભાગનાં શહેરમાં ઠંડીમાં શુક્રવારે સામાન્ય ઘટાડો થયાથી લોકોને ઠંડીથી રાહત મળી છે. જો કે, હજુ વહેલી પરોઢે અને મોડી રાત્રી દરમિયાન ઠંડા વન ફુંકાવાની સાથે તાપમાનનો પારો ૧૬ ડિગ્રીની આસ પાસ રહેતા ઠંડીનો ચમકારો યથાવત્ રહ્યો છે. ત્યારે શુક્રવારે રાજકોટ ૧૪. ડિગ્રી સાથે રાજ્યનુ સૌથી ઠંડું શહેર સાબિત થયું હતું. જ્યારે અમદાવાદના દિવસ અને રાત્રીના તાપમાનમાં ત્રણ ડિગ્રી જેટલો વધારો થતા દિવસે ઠંડી વર્તાઇ હતી.

અમદાવાદ શહેરમાં તાપમાનનો પારો ૧૨. ડિગ્રી ગયા બાદ છેલ્લા બે  દિવસ અને રાત્રીનું તાપમાન વધતાં શહેરીજનોને ઠંડીથી સહેજ રાહત મળી છે. જો કે, વહેલી પરોઢે ઠંડો પવન ફૂંકાતા લોકોને ઠંડડીની અસર વર્તાઇ હતી. ત્યારે બીજી તરફ હવામાન વિભાગે આગાહી કરતા જણાવ્યું છે કે, આગામી દિવસોમાં હજુ ઠંડી ઘટશે અને ધીરે ધીરે તાપમાનમાં વધારો થશે.

(9:12 pm IST)
  • દેશમાં કોરોનાથી મૃત્યુઆંક 1.36 લાખને પાર પહોંચ્યો :એક્ટિવ કેસ ફરી વધ્યા : રાત્રે 11 વાગ્યા સુધીમાં કોરોનાના નવા 39,414 કેસ નોંધાયા:કુલ કેસનો આંકડો 93,49,285 થયો :એક્ટીવ કેસ 4, 53,436 થયા: વધુ 39,815 દર્દીઓ સ્વસ્થ થતા કુલ 87,57,524 રિકવર થયા :વધુ 438 લોકોના મોત સાથે કુલ મૃત્યુઆંક 1,36,190 થયો access_time 11:58 pm IST

  • પશ્ચિમ બંગાળમાં આવી રહેલી વિધાનસભા ચૂંટણીઓ પહેલા મમતા બેનરજીની મહત્વની ઘોષણાં : રાજ્યના તમામ 10 કરોડ નાગરિકોને રૂપિયા 5 લાખ સુધીની કેશલેશ સુવિધા અપાશે : ભાજપના ' વિકાસ ' પ્રચાર સામે મમતાનું ' વિકાસ કાર્ડ ' access_time 1:15 pm IST

  • મોડી રાત્રે કાશ્મીરના કેટલાક ભાગોમાં ધરતીકંપનો આંચકો અનુભવાયો. વધુ વિગત મેળવાય રહી છે. access_time 1:09 am IST