Gujarati News

Gujarati News

News of Friday, 27th November 2020

રેલવે ડિવિઝને કર્મચારીની બદલીના હુકમ કરતા રોષ

ભારતીય રેલવે બોર્ડના આદેશનો ઘોળીને પી ગયું : કોરોના વાયરસની મહામારી વચ્ચે રેલવે બોર્ડ દ્વારા ૩૧ માર્ચ, ૨૦૨૧ સુધી બદલી નહીં કરવા આદેશ કરાયો છે

અમદાવાદ,તા.૨૭ : કોરોના મહામારી વચ્ચે રેલવે બોર્ડ દ્વારા કર્મચારીઓની ટ્રાન્સફર કરવા માટે નિર્ણય કર્યો હતો. જોકે, કોરોનાની મહામારીમાં અમદાવાદ ડિવિઝનને કોઈ ફરક પડતો હોય તેમ રેલવે બોર્ડના પરિપત્રની ઐસીતૈસી કરીને પોતાના પાવરથી કર્મચારીઓની બદલી કરી દીધી છે. કોરોનાની મહામારી વચ્ચે રેલવે બોર્ડ દ્વારા ૩૧ માર્ચ, ૨૦૨૧ સુધી બદલી કરવા આદેશ કરાયો છે. આમ છતાં અમદાવાદ રેલવે ડિવિઝનમાંથી અત્યાર સુધીમાં ૪૦૦થી વધુ કર્મચારીઓની બદલી કરવામાં આવી છે. વેસ્ટર્ન રેલવે એમ્પ્લોય યુનિયને પણ આક્ષેપ કર્યો છે કે, રેલવે બોર્ડનો આદેશ હોવા છતાં બદલીઓ કરવામાં આવી છે. કર્મચારીઓ એક જગ્યા પરથી બીજી જગ્યાએ જાય છે ત્યારે તેમને કોરોનાનું સંક્રમણ લાગવાનો ડર રહે છે. વેસ્ટર્ન રેલવે એમ્પ્લોય યુનિયન મંડળ મંત્રી એચએસપાલે જણાવ્યું છે કે, રેલવે બોર્ડના આદેશનું પણ પાલન થયું નથી. મહામારી વચ્ચે પણ કર્મચારીઓની બદલી કરવામાં આવી છે. મંડળ સંગઠન મંત્રી સંજય સૂર્યબલીએ જણાવ્યું છે કે, અમદાવાદ રેલવે ડિવિઝનમાં ૧૮ હજાર જેટલા કર્મચારીઓ કામ કરે છે. કોરોનાની મહામારીમાં અમદાવાદ રેલવે ડિવિઝનમાંથી અત્યાર સુધીમાં ૭૫૦ કર્મચારીઓ કોરોનાથી સંક્રમિત થયા છે અને કોરોનાથી ૩૦થી વધારે કર્મીઓનું નિધન થયું છે. વેસ્ટર્ન રેલવે એમ્પ્લોય યુનિયન તરફથી પણ અનેક વખત રજુઆત કરવામાં આવી છે કે મહામારી વચ્ચે રેલવેના કર્મચારીઓની બદલી કરવામા આવે. આમ છતાં બદલીના આદેશ કરાયા છે. એક વિભાગમાંથી બીજા વિભાગમાં બદલી કરવાને કારણે કર્મચારીઓમાં સંક્રમણ વધ્યું છે. મળતી માહિતી પ્રમાણે ટ્રાફિક, મિકેનિકલ, એન્જિનિયર, સિગ્નલ એન્ડ ટેલિકોમ, સહિતના તમામ વિભાગમાંથી બદલી થઈ રહી છે.

(7:41 pm IST)
  • કોંગ્રેસ નહીં ઓફિસને તાળાં મારી દેવાયા: પગાર ચૂકવો પછી જ અંદર આવો: લખનૌમાં કોંગ્રેસના મુખ્ય કાર્યાલયને, કર્મચારીઓ અને સ્ટાફ દ્વારા, પગાર નહી ચૂકવવાને કારણે તાળાબંધી કરવામાં આવી છે. બાકી નીકળતું વેતન ચૂકવાશે નહિ, ત્યાં સુધી, કોઈ પણ કોંગી હોદ્દેદારને ઓફિસમાં પ્રવેશવા દેવાશે નહિ, તેવી જાહેરાત access_time 10:49 am IST

  • મહારાષ્ટ્ર સરકારનો મહત્વનો નિર્ણય : 30 હજાર સેક્સ વર્કર્સને દર મહિને 5 હજાર રૂપિયા આપશે : ઉપરાંત જેમના બાળકો સ્કૂલમાં અભ્યાસ કરે છે તેમને દર મહિને અઢી હજાર રૂપિયા વધુ અપાશે : રાજ્યના 32 જિલ્લાની 30 હજાર મહિલા સેક્સ વર્કર્સને આર્થિક સહાય માટે 51 કરોડ રૂપિયા ખર્ચવાનું આયોજન : મહિલા તથા બાળવિકાસ મંત્રી યશોમતી ઠાકુરની ઘોષણાં access_time 11:43 am IST

  • લાલુનો જેલવાસ ૧૧ ડિસેમ્બર સુધી લંબાયો : આરજેડી પક્ષના સુપ્રિમો લાલુપ્રસાદ યાદવને આજે ફરી જામીન મળ્યા નથી : ૧૧ ડિસેમ્બર સુધી જેલમાં રહેવુ પડશે : તેમની જામીન અરજીની સુનાવણી હવે ૧૧ ડિસેમ્બરે હાથ ધરાશે access_time 1:08 pm IST