Gujarati News

Gujarati News

News of Friday, 27th November 2020

સાબરકાંઠા જિલ્લાના તલોદ તાલુકામાં કોરોના મહામારીના કારણોસર બજારમાં એકત્ર થતી ભીડ ઓછી કરવા વેપારીઓએ સાથે મળી દુકાન ચાર દિવસ બંધ રાખવાનો નિર્ણય લીધો

સાબરકાંઠા: જિલ્લાના તાલુકા મથક તલોદ વિસ્તારમાં કોરોના વાયરસે માઝા મુકીને વ્યાપક પંજો ફેલાવતા અનેક લોકો ભોગ બન્યા છે. કોરોના ફેલાતો અટકાવવા માટે બજારમાં એકત્ર થતી ભીડ ઓછી કરવી જરૂરી હોય તલોદના તમામ વેપારી એસો. સાથે મળીને સ્વૈચ્છિક રીતે બજારો ચાર દિવસ બંધ રાખવાનું નક્કિ કર્યું છે. જે મુજબ આજે માર્કેટીંગ યાર્ડ સહિતની તમામ બજારો સજ્જડ બંધ રહી હતી. તલોદમાં આજથી ચાર દિવસ બજારો બંધ રાખવાની અમલવારી શરૂ કરી દેવાતા આખો દિવસ ભારે ભીડ રહેતી હોય તેવા વિસ્તારોમાં સ્મશાનવત શાંતિ પ્રસરી ગઈ હતી. સોમવારથી બજારો રાબેતા મુજબ ખોલવામાં આવશે. તલોદ નગર પાલિકા કચેરી ખાતે વેપારીઓ સાથે મળેલી બેઠકમાં તલોદ બસસ્ટેન્ડ વેપારી મહાજનકાપડ મહાજનસોની મહાજનકટલેરીરેડીમેઈડવાસણ સહિતની દુકાનો તેમજ લારી-ગલ્લા પણ જડબેસલાક બંધ રાખવાનો નિર્ણય કરવામાં આવ્યો હતો. અત્રે ઉલ્લેખનીય છે કેકોરોનાના કારણે તલોદ પંથકમાં ર૦ જેટલા લોકોના મોત થઈ ચૂક્યા છે. અનેક લોકો સંક્રમણનો ભોગ બન્યા છે. જેના કારણે વેપારીઓએ જાતે ધંધા-રોજગાર બંધ રાખવાનો નિર્ણય કર્યો છે.

(6:15 pm IST)
  • શ્રીનગર પાસે સુરક્ષા દળો ઉપર આતંકવાદીઓનો હુમલો: જમ્મુ-કાશ્મીર: શ્રીનગર પાસેના એચએમટી વિસ્તારમાં આતંકવાદીઓએ સુરક્ષા દળો પર હુમલો કર્યો છે. વધુ માહિતીની રાહ જોવાઈ રહી છે access_time 10:49 am IST

  • દિલ્હીમાં હજારો ખેડૂતોને રાખવા માટે ૮ મોટા સ્ટેડીયમોમાં જેલ ઉભી કરાશે : હજારો ખેડૂતો દ્વારા દિલ્હી ચલો કૂચ આગળ વધી રહી છે ત્યારે કેજરીવાલની આપ સરકાર પાસે દિલ્હી પોલીસે ૮ મોટા સ્ટેડીયમોની માંગણી કરી છે : પોલીસ આ સ્ટેડીયમોનો ઉપયોગ કામચલાઉ જેલ તરીકે કરવા માગે છે access_time 12:51 pm IST

  • અર્ણવ ગોસ્વામીને મોટી રાહત આપતો સુપ્રિમ કોર્ટનો હુકમ : રીપબ્લીક ટીવીના પત્રકાર અર્ણવ ગોસ્વામીને આપવામાં આવેલા વચગાળાના જામીન જયાં સુધી મુંબઈ હાઈકોર્ટ ૨૦૧૮ના આત્મહત્યા માટે ફરજ પાડવાના કેસનો નિકાલ કરે નહિં ત્યાં સુધી ચાલુ રહેશે તેવો આદેશ સુપ્રિમ કોર્ટે આપ્યો છે access_time 12:51 pm IST