Gujarati News

Gujarati News

News of Friday, 27th November 2020

વડોદરાના કિશનવાડી વુડાના મકાનમાં એક જ કોમના બે શખ્સો વચ્ચે ક્રિકેટ રમવા બાબતે ઝઘડામાં ચાર ગંભીર રીતે ઈજાગ્રસ્ત

વડોદરા:શહેરના કિશનવાડી વુડાના મકાનમાં મોડી રાત્રે એકજ જ્ઞાતિના બે પરિવારના વ્યક્તિઓ વચ્ચે ક્રિકેટ રમવા બાબતની જુની અદાવતમાં ઝઘડો થયો હતો. ઝઘડામાં પિતા-પુત્ર સહિત ચાર વ્યક્તિઓએ સામેની વ્યક્તિ ઉપર તલવાર, ચાકુ અને લાકડીઓથી જીવેલેણ હુમલો કર્યો હતો. જેમાં એક વ્યક્તિનું મોત નીપજ્યું હતું. બનાવમાં હુમલાખોર જૂથના એક વ્યક્તિને પણ ઇજા પહોંચી હતી. મોડી રાત્રે બનેલા બનાવે વિસ્તારમાં ચકચાર જગાવી મુકી હતી.

બાપોદ પોલીસ મથકમાંથી મળેલી માહિતી પ્રમાણે કિશનવાડી વિસ્તારમાં પીળા વુડાના મકાન આવેલા છે. બ્લોક નંબર-26 અને મકાન નંબર-13માં રાજુભાઇ હિરાભાઇ મારવાડી પરિવાર સાથે રહે છે. મોડી રાત્રે રાજુભાઇ મારવાડી બીડી લેવા માટે નીકળ્યા હતા. તે દરમિયાન વુડાનાજ મકાનમાં રહેતા અને નીચે બેઠેલા નટવર સોમાભાઇ મારવાડી, સંજય નટવરભાઇ મારવાડી, ઇશ્વર સોમાભાઇ મારવાડી અને સોમાભાઇ કાંતિભાઇ મારવાડીએ બીડી લઇને ઘર તરફ આવી રહેલા રાજુ મારવાડનીને રોક્યો હતો. અને તેના ઉપર ચાકુ, તલવાર અને લાકડીઓથી જીવલેણ હુમલો કરી ફરાર થઇ ગયા હતા.

(6:11 pm IST)
  • કોંગ્રેસ નહીં ઓફિસને તાળાં મારી દેવાયા: પગાર ચૂકવો પછી જ અંદર આવો: લખનૌમાં કોંગ્રેસના મુખ્ય કાર્યાલયને, કર્મચારીઓ અને સ્ટાફ દ્વારા, પગાર નહી ચૂકવવાને કારણે તાળાબંધી કરવામાં આવી છે. બાકી નીકળતું વેતન ચૂકવાશે નહિ, ત્યાં સુધી, કોઈ પણ કોંગી હોદ્દેદારને ઓફિસમાં પ્રવેશવા દેવાશે નહિ, તેવી જાહેરાત access_time 10:49 am IST

  • ' કૌન બનેગા કરોડપતિ ' શો વિવાદમાં : 64 લાખ રૂપિયાનો પ્રશ્ન : 1927 ની સાલમાં ડો.ભીમરાવ આંબેડકરના અનુયાયીઓએ કયા હિન્દૂ ધર્મગ્રંથના પાના બાળી નાખ્યા હતા ? : મહાનાયક અમિતાબ બચ્ચને હોટ સીટ ઉપરથી પૂછેલો પ્રશ્ન હિન્દુઓની ધાર્મિક લાગણી ઉશ્કેરનારો : મુઝફ્ફર કોર્ટમાં ફરિયાદ access_time 11:31 am IST

  • હોસ્પિટલોમાં આગની ઘટનાઓ જરા પણ સ્વીકાર્ય નથી : સુપ્રિમ કોર્ટે પણ ચિંતા વ્યકત કરી : રાજકોટમાં કોવિડ હોસ્પિટલમાં લાગેલી આગમાં પાંચ કોરોનાના દર્દીઓના મૃત્યુ નિપજતા સુપ્રિમ કોર્ટે પણ ચિંતા વ્યકત કરતાં કહ્યુ છે કે હાઈકોર્ટ પણ સમગ્ર મામલાને નિહાળી રહ્યા છીએ. આ પ્રકારની ઘટનાઓ સ્વીકાર્ય નથી : અમે આખા દેશની સ્થિતિ પર માહિતી લઈ રહ્યા છીએ. access_time 1:07 pm IST